Pasa den ekainaren 24ean 37 pertsonek Nador eta Melilla artean dagoen mugan bizitza galdu zuten. Baliteke hildako kopuruak gora egitea, oraindik orain ehunkada pertsonek ospitalean jarraitzen baitute, haien osasun egoeraren inguruko inolako informaziorik ez dagoen arren. LAB sindikatuak, Espainiar estatuaren eta Marokoren ardura den erailketa politika hau eta ezkutuko genozidioa gaitzesten ditu.
Nazioarteko itunek eta potentzien arteko gerrek interes berberak dituzte. Duela hiru hilabete eskas bi gobernuek sinatutako akordioaren arabera, Sanchezek, Estatu espainoleko historiako presidenterik aurrerakoienak, saharar herriaren burujabetza Marokoko monarkiari oparitu zion, eta akordio honen ezkutuko edukiek ziotenaren harira, Marokok bere gain hartzen zuen Espainiako hegoaldeko mugaren zaintza. Ordutik hona, Marokoko segurtasun- indarren esku-hartzea areagotu egin da, baita Espainiako lurraldean ere. Geopolitika global baten banaketa, mesede eta prebendak dira, berauen ondorio larriak betikoek ordaintzen dituztelarik. Gutxien axola dutenak eta ordena globalaren mehatxutzat hartzen direnak hain zuzen ere. Bestalde, Ukrainako gerraren ondorioz izandako gorakada belikoak, Afrikako lurraldean ere ondorio izugarriak ditu. Uzten galerak, erregaiaren garestitzea eta behartutako exodoaren handitzea milaka pertsonarentzat.
Euskal Herrian gehiegi dira Irun eta Hendaia banatzen dituen muga zeharkatzen saiatzen gazte gehiegik bizitza galdu dute. Honen guztiaren sustraiak berdinak da; lurraldeen militarizazioa, arpilatzea eta herri nahiz komunitateen espoliazioa sustatzen duten Europa Gotorlekuko gobernuak eta eliteen politikak.
Ukrainatik ihesi datozen errefuxiatuen erregularizazio masiboa, merkatuaren beharren eta interes geo-politikoen arabera pertsona erregularitzako prestutasuna eta oinarrizko eskubideak kriminalizatu, baztertu eta urratzen dituen migrazio-politika sistema kolonial, inperial eta biozida horren txanpon berdinaren bi aldeak dira. Hesiek, elur-jausiek, beroan egindako itzulketek, etnia- eta arraza-profilaren araberako kontrolek, indarkeria polizial, militar eta judizialak, migrazio-prozesuan dauden pertsona guztientzako harrera- eta enplegu-politikarik ezak egoera konpontzeko borondate politikoa falta berresten dute.
LAB sindikatutik, Europa mailan ultraeskuin arrazista eta xenofoboaren boterearen hedapenaren zati gisa, Espainiako estatuaren hegoaldeko mugan gertatutakoa gaitzesten dugu eta Europako nahiz estatu mailako sarraski-politikak salatzen ditugu. Klase internazionalista eta arrazakeriaren aurkako gure elkartasun osoa egiturazko genozidio hau pairatzen duten herri, komunitate eta pertsonekiko.
Azkenik, bat egiten dugu gertatutako salatzeko gizarte-mugimenduek egindako deialdiekin, atzo Donostian eta Bilbon, eta gaur arratsaldean 19:00etan Iruñean (Sarasate pasealekuan, PSNren egoitzaren aurrean) eta Gasteizen (Andra Maria Zuria).
Mugetan heriotza gehiagorik ez! Gerrari ez! Euskal Herria harrera herria!