2024-04-23
HomeEkintza SindikalaMecaner-eko enpresa-batzordeak trantsizio ekosozialeko proposamenen aldeko apustua egiten du lantegiaren itxiera ekidin...

Mecaner-eko enpresa-batzordeak trantsizio ekosozialeko proposamenen aldeko apustua egiten du lantegiaren itxiera ekidin dezakeen tresna bezala

Mecaner-eko langileek, enpresa-batzordearen deialdiari jarraiki, agerraldia egin dute Urdulizen, EEEaren kontsulta-aldia hastear dagoenean eta itxieraren iragarpenetik ia 6 hilabete igaro ondoren, jakinarazteko azken hilabeteetan euren azaletan bizitzen ari direla enpresaren zekenkeria eta itxiera mehatxuaren ondorioak; globalizazio ekonomikoak eragindako arazoetako bat, deslokalizazioa, hain zuzen ere. “Egoera behin eta berriz errepikatzen denean, zerbait huts egiten ari den edo ez dela ondo egitearen seinale dira”, adierazi dute.

Euren esanetan premiazkoa da milioi askoko laguntza publikoak jasotzen dituzten multinazionalen jarduteko modua geldiaraztea ondoren, eskrupulorik eta errotzerik gabeko erabaki injustoak hartzen bait dituzte, Mecanerren bezala. Hori gertatzen denean, premiazkoa da mekanismoak aktibatzea, onura atera dioten diru publikoa itzuli beharra egon dadin, eta, era berean, jasangarritasun ekologiko eta sozialeko irizpideen arabera industria-birmoldaketari ekin ahal izateko, lanpostuak mantentzen direla ziurtatuz.Premiazkoa da politika industrial justuagoak eta ekologikoki iraunkorragoak egitea, langieak kapitalaren gainetik jarriz. Ezin da onartu irabaziak dituzten enpresek horrelako erabakiak hartzea.

Plantilla irailaren hasieran esandakona berresten da; ez du onartzen Mecaner ixtea, eta are gutxiago taldeak erabaki hori justifikatzen saiatzeko argudiatzen dituen arrazoiak. Aitzitik, badakite Mecaner enpresa bideragarria dela eta etorkizuna duela, horrela erakusten baitute 2022an lortutako 600.000 eurotako irabaziek.

Horregatik, hilabete hauetan euren konpromisoa, borroka eta proposamenak (kaudimen teknikoa duen txostena eta trantsizio ekosozialeko proposamenak egitea, fabrikaren itxiera ekiditeko eta bere etorkizuna bermatzeko tresna lagungarri bezala) Mecanerren, industriaren eta eskualdearen orainaren eta etorkizunaren aldeko apustu argia dira.

Fase erabakigarri batean sartzera doazela adierazi dute eta denbora agortuz doala. “Egoera honetan ez du balio pilota erantzukizunik gabe pasatzea, ehunka lanpostu eta eskualde baten etorkizuna jokoan dagoen bitartean”, adierazi dute. “Gobernuek erantzukizunak eta konpromisoak hartu behar dituzte, horregatik, lanpostuen defentsan eta enpleguaren defentsan lan egiteko es-katzen diegu”.

Alarmak pizteko une da, ahaleginak areagotu, ekintzetara pasa eta herri gisa erantzuteko, Mecaner itxi ez dadin. Hori dela eta, herritarrei dei egiten diete enpresa-batzordeak datorren martxoaren 2an (larunbata) 17:00etan Urdulizko Udaletik abiatuta egingo duen manifestazioan parte har dezaten.

AZKEN ALBISTEAK | ĂšLTIMAS NOTICIAS

Babestu egin dugu oraindik aitortua ez zuten Osasunbideko osasun langileentzako Lanbide Karreraren ezartzea, baina osasun arlokoak ez diren langileei zabaltzea eskatzen dugu

Gaur eguerdian Iruñean egin den Osasunbideko mahai sektorialean, LAB sindikatuko kideok aldeko botoa eman diogu C eta D mailetako osasun langileentzako Lanbide Karreraren lege proiektuari. Lege proiektu hau LABek bere garaian Osasun Departamentuarekin lortu zuen akordioaren gauzatzea da, eta neurri garrantzitsua da horren onura jasoko duten 3.000 pertsona baino gehiagorendako. Hala ere, bidegabetzat jotzen dugu osasun arlokoak ez diren langileak kanpoan gelditu izana; beraz, borrokan jarraituko du Osasunbideko langile guzti-guztien lan baldintzak erabat duindu arte.

Osakidetzak ez du Euskara Plana betetzen eta iluntasunez jokatzen du konpromisorik eza ezkutatzeko

Osakidetzak urteak daramatza bere pasibotasunarekin EAEko osasun sistema publikoa benetan euskalduntzea eragozten. Propaganda engainagarriaz harago, eta bertako langileek beren zereginak euskaraz egin ahal izateko euskalduntze prozesua eragozteaz gain, ez du bermatzen erabiltzaile euskaldunek arreta euskaraz jasotzeko duten eskubidea.

Patronalak negoziazioa bideratu eta grafikagintza sektorean grebak saihesteko atea itxi du

Patronalaren jarrera guztiz immobilistarekin topo egin dugu LAB-ELA-CCOO-UGT sindikatuok sektoreko hitzarmenaren negoziazioaren hamahirugarren bileran.