2024-02-26
HomeIndustriaIndustria KimikoaManifestazioa eta kanpaldi iraunkorra Cementos Lemonan aurkezturiko EEEa salatzeko

Manifestazioa eta kanpaldi iraunkorra Cementos Lemonan aurkezturiko EEEa salatzeko

Cementos Lemoako Enpresa Batzordeak manifestazioa deitu dute gaur arratsaldeko 19:00etarako Cementos Porttland Valderrivas Taldeak Estatuko enpresa batzuetako langileen kaleratzea (34 Cementos Lemonan) planteatzen duen EEEa aurkeztu izana salatzeko. Ondoren Kanpaldi iraunkorra egingo dute enpresa atarian kontsulten epealdia amaitu arte (urriak 18).

CEMENTOS LEMOAKO ENPRESA BATZORDEAren OHARRA
CEMENTOS LEMONAn ERErik EZ

«Cementos Porttland Valderrivas Taldeak Estatuko enpresa batzuetako langileen kaleratzea planteatzen duen EEEa aurkeztu du, hauen artean CEMENTOS LEMONA S.A.ko 34 langile daude.

EEEa, Estatuko enpresa batzuei eragiten dien espedientea izanik, Madrilgo lan agintaritzan aurkeztu da, eta gainera, UGTk eta CCOOk gidatutako Estatu mailako negoziazio batzorde murriztua eratu da, zeinak bere buruari aitortzen dizkion lan erregulazio espedienteen izapidetzan kontsultarako epean legeak langileen ordezkaritza legalari aitortzen dizkion “negozioaziorako, akordiorako eta abarrerako ahalmen eta gaitasun guztiak”. Lemoako enpresa batzordeak uste du batzorde horren eraketaren aurkako desadostasuna adierazteko arrazoi sindikalak ez ezik juridikoak ez badaudela.
Egoera hau salatzeko, enpresarekin elkarrizketa eskatzeko eta planteatutako kaleratzeei uko egiteko astearte, ostegun eta larunbatetan lanuzteak eta mobilizazioak egiten ari gara.

Horretarako, Lemoan MANIFESTAZIOA deitu dugu bihar asteartea, urriak 16, arratsaldeko 19.00etan. Manifestazioaren ondoren KANPALDI iraunkor bat egiten hasiko gara enpresa sarreran, kontsulten epealdi amaiera egunera arte —urriaren 18an— luzatuko dena.

Lemoan, 2012ko urriaren 15ean
CEMENTOS LEMOAKO ENPRESA BATZORDEA

»

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.