2023-11-28
HomeZerbitzu PublikoakKomunikabideakM4Fko langileen borrokak kaleratzeak ekidin ditu

M4Fko langileen borrokak kaleratzeak ekidin ditu

Hilabete t’erdi borrokan eta 30 egun greba mugagabean izan ondoren, eitb.com webguneaz arduratzen diren M4F enpresako langileek kaleratzerik ez dela izango dioen akordioa sinatu zuten astelehenean. Akordio sinatzea oso gogorra izan dela aitortu dute langileek lan baldintzak okerrera egingo dutelako, baina era berean pozik agertu dira lanpostu guztiak bermaturik geratu baitira.

Langileen balorazioa

Lortu egin dugu, ez da kaleratzerik egongo; greba mugagabea, bertan behera

Lortu egin dugu. Hilabete eta erdi eman dugu borrokan, eta 30 egun greba mugagabean, baina azkenean M4F/eitb.com-en kaleratzerik ez egotea lortu dugu. Akordioa astelehen arratsaldean sinatu dugu, eta oso gogorra da, gure lan baldintzek okerrera egitea ekarriko duelako, baina behintzat langile guztiak salbatu ditugu.

Ekainaren 12an, M4Fko zuzendaritzak langileen erdiak (27 pertsona) kaleratzeko, beste lauri lanaldia murrizteko eta gainerako langileei % 25 arteko soldata jaitsierak egiteko enplegu erregulazio txostena aurkeztu zuen, eta orduan borroka sutsua hasi genuen. Hasiera-hasieratik oso argi izan dugu zein zen borrokaren helburu nagusia: kaleratze bakar bat ere ez onartzea.

Negoziazioa luzea eta zaila izan da, baina azkenean akordioa lortu dugu zuzendaritzarekin: langile gehienok lanaldia erdira murriztea onartu dugu, denontzako lana egon dadin. Murrizketa horrez gain, zuzendaritzak % 15eko soldata jaitsierak egingo dizkie langile guztiei, baina 2014. urteko abendua arte enplegua mantetzeko konpromisoa hartu du. Lanaldiak murrizteko ERE berri honek urtebeteko iraupena izango du.

Hori horrela, duela 30 egun abiatutako greba mugagabea bertan behera uztea erabaki dugu, asanblean. Bihar bertan, hilak 23, itzuliko gara lanera.

Garaipen hau gure borroka irmoari esker izan da posible. Izan ere, EREa EiTBtik diseinatuta eta inposatuta etorri zen, nortzuk kaleratu izen-abizenekin ere zehaztu baitzion M4Fko zuzendaritzari, eta enpresak ez zuen koma bakar bat ere negoziatu nahi. 27 pertsona kaleratu nahi zituzten, eta jarrera horretan tematu ziren.

Azkenean, EREaren aurrean eman genuen erantzun irmoak negoziatzera behartu zituen EiTB eta M4F, eta legezko negoziazio epea (30 egun) luzatzea ere proposatu ziguten, akordio bila.

Akordioa lortu badugu ere, argi utzi nahi dugu ez dugula bake soziala sinatu enpresarekin, eta, beraz, borroka egiten jarraituko dugu, lanpostuak mantentzeko eta lan baldintza duinak izateko, besteak beste. Duela hilabete eta erdi hasitako borroka ez da hemen bukatuko, eta orain borroka eredu berriak aztertu beharko ditugu. Lehen bataila baino ez da izan honakoa; gerra luzea da oraindik.
 

 

LAB SAREAN
{module[111]}

EiTB decide, M4F despide: diario de un ERE
 

      

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.