2023-12-02
HomeZerbitzu PublikoakZerbitzu SoziokomunitarioaLABek salatu egiten du Adegik Ander Rodriguez Diputatuari eginiko egozpena

LABek salatu egiten du Adegik Ander Rodriguez Diputatuari eginiko egozpena

Gipuzkoako adinekoen egoitza eta eguneko zentruetako lan gatazkarekin lotuta, LABek salatu egin nahi du ADEGIk Gipuzkoako Gizarte Politikako diputatu Ander Rodriguezen aurka Fiskaltzaren aurrean aurkezturiko idatzia, non eguneko zentroen gatazkan enpresei mehatxu egitea egozten dion. LABetik, beste behin, gai honi lotuta Gipuzkoako Foru Aldundia erakusten ari den jokabidea txalotzen dugu, orain arte hartutako jarrera eta erabakiei gure sostengua ematen diegu.

Afera honetan GFAak hartu zuen iniziatiba balio politiko handikoa da. Batetik, lehen aldiz horrelako instituzio batek onartu egiten duelako zerbitzu hauen izaera publikoa. Bestetik, adierazpenetatik haratago hauek burutu ahal izateko konpromiso ekonomikoak bereganatzen dituelako, eta azkenik, lan erreformaren ondorioak eragozteko planteamendua egiten duelako, negoziazio kolektiboaren euskal esparruaren defentsan instituzioek jokatu dezaketen paper aktiboaren urrats gisa.

ADEGIk eta LARESek aldiz, bereziki ADEGIK, jarrera ezin erasokorragoa eta harroa hartu du gatazka honetan: GFAren kontrako eta bere ahalduna den Ander Rodriguezen kontrako bigarren salaketa jarri du eta negoziazio mahaia guztiz blokeatzen jarraitzen du, egoitza ia gehienetan aurreakordioak sinatuak daudenean.

LABek ADEGIri bere harrokeria alde batera uzteko eta egoitza eta eguneko zentroetako lan hitzarmena sinatzeko exijitzen dio.

 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.