2024-07-22
HomeLan Osasuna IdazkaritzaPrekarietatea HiltzaileaLangile bat hil da eta beste 11 zauritu Zumaiako Artadi enpresan izandako...

Langile bat hil da eta beste 11 zauritu Zumaiako Artadi enpresan izandako lan istripuan

Gaur asteazkena, uztailak 4, lan istripuz hildako langile baten heriotza salatu behar dugu. 27 urteko langilea hil da Zumaian (Gipuzkoa), ogia egiten dute Artadi enpresan izandako lan istripuan. Langilea fermentazio kubeta batetik erorita hil da eta bera artatzera joan diren, 11 langile zauritu dira metano gasa arnastuta.

 LABek dei egiten du Artadiko enpresa komiteak deitutako mobilizazioetan parte hartzeko
► Urkabe enpresako langileek ere ordubeteko lanuztea egingo dute 12etatik 13etara


LAB sindikatutik lehenik eta behin, elkartasuna adierazi nahi diegu hildako langile gaztearen sendiari eta gertukoei, baita zauritutako lankide, lagun eta gertuko guztiei ere.

Modu berean gogor salatu nahi dugu gaurko heriotz honekin, Euskal Herrian 2012 hasieratik gaur arte gutxienez 27 langile hil direla.

Hau guztia dela eta, LAB sindikatutik mobilizatzera dei egiten dugu, guztion artean (langileok eta jendarteak orohar) sarraski hau amai dadin.

Ondorengo orduetan erantzun zabal eta anitza artikulatzen saiatuko gara, jendarte zein enpresa eremu ezberdinetan.

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.