Honakoa adierazi dute agerraldian:
· 2018an ezin izan ginen aurkeztu EPE-tara 2007ko Errege Dekretu baten aplikazioaren ondorioz.
· Irakasle Teknikoak lanean sartu ginenean, eskatzen zen titulazio guztia betetzen genuen, baina Errege Dekretu honek titulazio aldaketa bat dakar eta EPE-tatik kanpo uzten gaitu.
· Arazo honen aurrean, irakasleak kolektibo moduan antolatzen hasi ginen Hezkuntza Sailarekin konponbide bat aurkitzeko asmoarekin.
· Urte eta erdi pasa ondoren erantzunik gabe, urtarrilaren 9an, Gasteizko Mendizabala LHII-n itxialdiari ekin genion.
· Ekintza honek bere fruituak eman zituen eta batzar bi lortu genituen denbora gutxian.
·Batzar hauek positiboak izan ziren, Hezkuntzarekin komunikazioa lortu genuelako, baina ez dugu aurrepausurik ikusi gure egoerari irtenbiderik emateko.
· Hori dela eta, otsailaren 8an Donostiako EASO-ko Politeknikoan ere hasi genuen itxialdia.
· Martxoa amaieran adostuta daukagun batzarrari begira, atzo, martxoaren 11an, Bilboko Txurdinaga LHII-n ere hasi dugu itxialdia.