Zaborra biltzeko kontrata den FCC Medio Ambiente-ko langileek (Iruñerriko Mankomunitateak azpikontratatuta duen zerbitzua) elkarretaratzea egin dute, uztailaren 10ean gaueko txandan izandako azken lan istripuaren aurrean.
Lan-txandetan egindako kontzentrazio horien bidez, langile guztiek babestutakoa, Iosu U. animatu nahi izan dute. Altueran lan egiten ari zela erorketa izan zuen langileak, eta gaur egun larri ospitaleratuta jarraitzen du. Une latz hauetan familiari ere elkartasuna eta babesa adierazi nahi izan diote.
ATSU eta LAB sindikatuek osatutako enpresa batzordeak gertakariak salatzeko beharrezkoak diren neurriak hartuko ditu, behin ikerketaren emaitza eta istripuaren arrazoiak ezagututa.