Larunbatean, martxoaren 3a, 1976ko langileen kontrako sarraskiaren 42. urteurrena bete zen. Data esanguratsu hori baliatuta, LABek batzar ireki bat egin zuen Gasteizen, martxoaren 3ko plazan. Sindikatuko idazkari nagusiaren ondoko Igor Arroyok hartu zuen hitza, eta bi gogoeta egin zituen; bata sindikala eta bestea politikoa. Hain zuzen ere, ekintza sindikal berri bat abian jartzea dela sindikatuaren erronka nabarmendu zuen, erabakitzeko eskubidearen aldeko aldarrikapena egiteaz gain. “Lan duina eta bizi duina eskatzen ditugu langile ororentzat. Hori bermatuko digun Estatu duin bat behar dugu”, azpimarratu zuen.
