2024-02-28
HomeIdazkaritzakIdazkaritza FeministaLABeko emakume eta pentsionistek borrokan jarraitzeko konpromisoa mahaigaineratu zuten

LABeko emakume eta pentsionistek borrokan jarraitzeko konpromisoa mahaigaineratu zuten

Pasadan asteartean LABeko emakume heldu eta pentsionistak Basauriko Marienean hitzaldia egin zuten. Bertan, emakumeok urte luzeetan lan merkatu arautuan sartzeko egindako borroka ezberdinak mahaigaineratu zituzten. Gogoeta hauekin batera parte hartze hori emakumeon kasuan aukera eta eskubide berdintasunean ezin gauzatu izanagatik, egun emakume heldu eta pentsionista giza pairatzen ari diren ondorioak azaldu zituzten.

Bestetik, hainbat kasuetan sistema patriarkalak ezarri dizkien mugen ondorioz lan merkatu arautuan parte hartu ezin izan dutenak, bereziki zaintza lanak beraien gain egon direlako, pentsio miserableekin bizitzera kondenatuak daudela edo eta pentsio eskubidea ukatua dutela.

Errealitate honen ondorioz, emakume heldu eta pentsionisten artean pobrezia eta bazterketa soziala gehiago edatzen ari da. Eta besteak beste, arrazoi honengatik kolektibo honetan indarkeria sexista egoerak pairatzeko arriskuak bikoizten ari da eta hauetatik ateratzeko zailtasunak areagotu.

Halere zerbait garbi geratu bazen, zera da, emakumeok borroka asko egin dugula eta jarraitzen dugula egiten gure askatasun bide horretan, independentzia ekonomikoa eskuratzeko, bizi baldintzak hobetzeko, prekarietateren kontrako lanean… eta orain krisialdiaren aitzaki pean, inposatzen ari dizkiguten neurri atzerakoi eta basati hauen bitartez lorturiko eskubideak galtzeko arriskuen aurrean, atzera pauso bat ere ez onartzeko prest ez gaudela eta borrokan jarraitzeko konpromisoa mahaigaineratu zuten.

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.