2024-02-28
HomeNazioartea IdazkaritzaNazioarteko Ekintza EgunaLABeko delegatuek batzarra eta manifestazioa egin dute Munduko Federazio Sindikalak deitutako Nazioarteko...

LABeko delegatuek batzarra eta manifestazioa egin dute Munduko Federazio Sindikalak deitutako Nazioarteko Ekintza Egunean

Gaur, urriak 3, Munduko Federazio Sindikalak (MFS) mobilizatzera deitzen gaitu langileok, pertsona guztiontzat oinarrizko eskubide unibertsalekin erlazionaturiko gaiak eskatuz: elikadura, ura, medizinak, liburuak, etxebizitza etab. MFS-k egindako deialdiari erantzunez, LABeko sektore publikoko delegatuek batzarra egin dute Bilboko Arrupe Etxean. Ondoren, bertatik manifestazioan atera dira ordezkariak Gobernu Ordezkaritzaraino.
Milaka langilek mundu osoan salatuko dugu elikadura, ura, osasungintza, hezkuntza eta etxebizitza sistema kapitalistarentzat ez direla oinarrizko eskubideak, multinazionalei, bankari, kapital handiari eta euren menpe dauden gobernuei etekin handiak eman dizaieketen ondasun komertzialak baino.

Euskal Herrian ere argi dugu aldaketa politikoak justizia sozialarekin elkarlotuta egon behar duela eta horretarako hezkuntza eta osasungintza eraginkor, doaneko eta unibertsalak beharrezko direla, eta baita oinarrizkoak diren etxebizitza eta elikadura bermatuko dituen sektore publiko indartsua ere.

AZKEN ALBISTEAK | ĂšLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.