2024-04-25
HomeZerbitzu PublikoakOsasungintzaLABek Urkulluren Gobernua protesta oro isilarazten saiatzen ari dela salatu eta Osakidetzako...

LABek Urkulluren Gobernua protesta oro isilarazten saiatzen ari dela salatu eta Osakidetzako langileak egiten ari diren protestetan Ertzaintzak jokatutako papera kritikatzen du

Zerbitzu publikoetako langileen lanaldia handitzeko Jaurlaritzak inposatutako dekretuaren aurka mobilizazio ugari egiten ari dira sektore guztietan, izan ere neurri honen ondorioz lanpostu asko suntsitu egingo baitira; pasa den Mahai Orokorretik sindikatu guztiak altxatu ginen negoziazio mahaitik eta Maiatzaren 11rako manifestazioen deialdia luzatua dugu baita.

Nonbait, honek guzti honek min handia eragiten dio Urkulluren Gobernuari, izan ere, protesta ekimen oro ezkutatzeko asmoz atzo Txagorritxun eta gaur Basurton Osakidetzako langileek egiten diharduten kanpaldi protestak lehertzera Ertzantza bidali baitute.

Ertzantzaren jarreraren ondorioz istiluak eta enfrentamendu uneak izan dira Basurtoko kanpaldian langile bat antsietate krisialdiak jotzeraino.

LAB sindikatuak protesta ekimenak isilarazten saiatzea eta horretarako Ertzantza bidaltzearen Barne Sailaren erabakia gogor salatzen du, protestak debekatzea Gobernuak negoziazio mahaian langileekiko jada erakutsi duen jarrera inposatzailearen adibide berria da, langileokiko Urkulluren identitate marka inposizioarena izaten ari da zalantzarik gabe, ez bakarrik negoziazio eskubidea ukatuz baizik eta orain protesta egiteko eskubidea bere ere ukatuz.

Bestalde, Ertzantzaren beraren jarrera ere salatu nahi dugu, honelako jokabideek sistemaren eta sistema hau kudeatzen duten Gobernuen interesen defentsan baino aritzen ez den polizia eredu bat ordezkatzen dute, benetan zerbitzu publikoa izango balira izaera horrek exijitu bezala herritarren eta langileen eskubideen zerbitzura aritu ordez.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.