2024-02-27
HomeEkintza SozialaEkosozialismoaLABek pozez hartzen du Garoñako zentral nuklearra ixtearen albistea

LABek pozez hartzen du Garoñako zentral nuklearra ixtearen albistea

Sistema energetiko seguruagoa lortu behar dugu Euskal Herriaren beharrak asetzeko, lanpostu ugari sortuko duena, garapen ekonomiko orekatuagoa, aire garbiagoa eta osasun publiko hobea bermatuko duena. Lehen urratsa, berandu datorren erabaki hau, energia nuklearra baztertzea.    
Martxoaren 11n Fukushiman istripu nuklearra gertatu zela urtea bete zen, historian izandako bigarren jario radioaktiboa izan zen, Chernobilen 1986ko apirilak 26an izandakoaren ondoren. Isuri honen ondorioak, oraindik ere ezezagunak zaizkigu, orain arte inoiz ez delako itsasoko halako kutsadura mailarik izan.
 
Japoniako Fukushimako zentral nuklear honek, Garoñako Santa Maria zentralaren adin eta teknologia berberak zeuzkan. Arabako mugatik hain hurbil dagoen 43 urteko zentral zaharkitu hori lehenbailehen itxi behar zela behin eta berriz esan dugu sindikatutik eta Euskal Herriko hainbat mugimendu ezberdinetatik; bazen ordua jendartearentzat horren arriskutsua  izan den zentrala ixteko. Pozten bagara ere, ezin dugu esan gabe utzi arduragabekeria itzela izan dela izan dituen gabeziekin, orain arte irekita izatea eta bere biziraupena luzatzea, eta gure iritziz, momentu honetan erabaki hau hartu bada, hartu beharreko segurtasun neurriak garestiegi egiten zaizkielako da, ez bestelako eredu energetiko batean pentsatzen hasi direlako.
 
Halaber, sindikatu garen heinean ere, esan nahi dugu, denbora luze honetan, ez dutela inguruko herritarren bizi baldintza ekonomikoetan ere pentsatu. Hori ere ez da administrazioarentzat buruhaustea izan, ez dute inolako plangintzarik aurkeztu familia horien etorkizun laborala eta bideragarritasun ekonomikoa bermatzeko.
 
Zentral honek emititu izan duen erradiaktibitatearen pilaketa zeharo arriskutsua izan da osasunerako, inguruan urdail eta biriketako minbizia kasuak ohi baino ugariagoak dira. Baina batez ere, ez dugu ahaztu behar energia nuklearra oso arriskutsua dela. Garoñak izan dituen korrosio arazo, ezusteko eta geldialdiek energia nuklearra segurua dela esaten duten teoria guztiak goitik behera botatzen ditu, beraz, etorkizunerako ere argi diogu energia nuklearra ez dela energia iturri aukera moduan aztertu ere egin behar berau erruleta errusiarrera jokatzen aritzea bezalakoa delako.
Euskal Herriko jendarteak argi dauka energia nuklearra baztertu beharra dagoela eta ez dela erregai fosilen alternatiba. Horri esker ez zen eraiki Lemoiz, ez da ausartzen inongo alkaterik hondakin erradioaktiboentzako biltegia Euskal Herrira ekartzen eta aldarri hedatua izan da Garoña itxi behar izan dela.
 
LABen apustua energia nuklearra baztertzea eta energia aurrezteari eta eraginkortasunari benetako bultzada ematea da, energia berriztagarri garbiak eta instalazio sakabanatuak sustatzeaz gain. Ildo horretan, herri industriadunok aurrerapausu handiak eman ditzakegu energia aurrezteko, batez ere elektrizitateari dagokionez. 

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.