2024-02-26
HomeI26 - Greba OrokorraDependentziaDependentzia arloko murrizketen aurkako protesta egingo du LABek gaur Bilbon

Dependentzia arloko murrizketen aurkako protesta egingo du LABek gaur Bilbon

LABeko Bizkaiko soziokomunitario arloak eta pentsiodunen arloak protesta bateratua egingo dute gaur ostirala Bilbon, eguerdiko 12.00etan, Bizkaiko Foru Aldundiko ekintza sozialeko bulegoen aurrean dependentzia arloan ematen ari diren murrizketak salatu eta irailaren 26rako deitutako Greba Orokorrak duen garrantzia azpimarratzeko. Egun horretan Euskal Herriko kaleak bete behar ditugu, inposatzen diren politiken norabide aldaketa behartzeko, hitza eta erabakia Euskal Herriarenak izan daitezen.

 Euskal Herriak hitza eta erabakia menpekotasun alorrean ere

Menpekotasun alorrean PPren Gobernuak egindako murrizketek legea bera bertan behera geratzea dakarte, mendeko pertsonek zaintzarako duten eskubidea bertan behera geratzea eta Aldundiek nahiz Nafarroako Gobernuak biztanleria zigortzeko bideari ekitea, helburu argi batekin: zerbitzua gero eta herritar gutxiagori ematea, alegia, gero eta zerbitzu gutxiago eta baldintza kaskarragoetan.

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.