LAB sindikatua irailaren 26ko greba orokorraren lanketa zehaztu eta greba bultzatzeko Gipuzkoako delegatuen batzarra egin du gaur Donostian. Batzarraren ostean manifestazioa egin dute "Euskal Herriak hitza eta erabakia. Irailak 26 Greba Orokorra" lelopean. LABeko idazkari nagusi den Ainhoa Etxaidek, besteak beste, murrizketen aurka jendea kalera ateratzearen garrantzia azpimarratu du, "herri oso bat miseriara kondenatzea ez delako ez zilegia, ez bidezkoa eta batez ere, ez delako beharrezkoa" gaineratu duelarik.