2024-06-15
HomeIndustriaMetalgintzaLABek positibotzat jotzen ditu Bizkaia eta Arabako eragin mugatuko hitzarmenen indarraldia aitortzen...

LABek positibotzat jotzen ditu Bizkaia eta Arabako eragin mugatuko hitzarmenen indarraldia aitortzen dituen epaiak

Epai hauek berriro ere agerian utzi dute FVEM eta SEA patronalen estrategia. Hauek, PPren lan erreformak sortutako uztailaren 7ko amildegiaz eta mehatxuaz baliatu nahi izan zuten, lan eskubideen galera zein lan erreforma aitortuko dituen hitzarmenak lortu ahal izateko. Epai hauek estrategia horri zaplasteko bat dira, eta batez ere, Euskal Herriak behar duen lan harremanetarako eredu propioa izateko beharra berresten digu.

Hala ere, epaitegiek negoziazio kolektiboaren arazoa ez dute konponduko. Konponbidea ere ez da hemengo errealitatetik at dauden estatuko hitzarmenak sinatzea, ezta bakarrik enpresaz enpresa egindako negoziazioa ere. Metalgintzako hitzarmen berriak eta eguneratuak behar ditugu. Horretarako, LAB sindikatua buru belarri dabil sektore hitzarmenaren defentsarako estrategiaren garapenean. Hilabete honetan zehar gure militantziarekin adostuko dugu eta langile guztientzat metalgintzako hitzarmen duinak lortzeko bidean inflexio puntu berri bat bilakatuko dela ziur gaude.

Epai hauek langileek behar dituzten hitzarmenak lortzeko apustuan aurrera egiteko balio behar dute, ez patronalaren neurrikoak.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.