2024-06-14
HomeZerbitzu PublikoakOsasungintzaLABek Osakidetzako zuzendaritzari Osasungintzako Mahai Sektorialaren deialdietarako gutxieneko baldintzak exijitzen dizkio

LABek Osakidetzako zuzendaritzari Osasungintzako Mahai Sektorialaren deialdietarako gutxieneko baldintzak exijitzen dizkio

Osakidetzako sindikatuok azken hilabeteotan darabilzkigun lau aldarrikapenen inguruko mobilizazio fase berria abiatu berri dugu. Hala ere, Mahai Sektorialaren batzar bakoitzean (azkena, otsailaren 18an) negoziatzeko borondaterik eza adierazi du Osakidetzak. Are gehiago, bilera horiek negoziazio parodia bihurtu egin ditu.

Uste dugu honela ezin dela jarraitu. Langileok burutzen ditugun mobilizazioek Osakidetzaren aurrean adierazitako jarreran isla izan behar dute, gogortze aldera, batez ere mahai sektorialetan. Eta hori, bertan ordezkaturik gauden sindikatuoi dagokigu.

Bereziki larri deritzogu negoziazio proposamen barruan “Osakidetza hauteskunde esparruei” buruzko puntu sartu izanari. ESI antolakuntzak eskatzen duen hauteskunde esparruen berrantolaketa sindikatuok eta Osakidetzak jorratu behar dugun eztabaida tekniko hutsa da. Ez dauka zerikusirik, inondik inora, sindikatu eta langileok borrokatzen ari garen puntuekin eta, halaber, ezin ditu baldintzatu. Sindikatuok ezin dugu hori onartu. LABek, behintzat, ez du egingo.

Onartzen ez dugun beste kontua zera da: negoziazio proposameneko puntuak negoziatzeko gertatzen ari diren aldebiko bilerena (sindikatu bakoitza Osakidetzarekin). LABek jarraitzen du defendatzen hori guztia modu publikoan hitz egin behar dela, horretarako deitzen diren Sektoreko Mahaiaren bileretan, hain zuzen ere. Dinamika honekin jarraitzeak negoziazio kolektiboa desitxuratzen du, mesfidantza sortu, arazoak sortu eta batasun sindikala ahuldu baino ez du egiten.

Beraz, LAB sindikatuak Osakidetzako Zuzendari Nagusiari Mahai Sektorialen bileretarako gutxieneko baldintzak exijitu dizkio: deialdia idatziz bi aste lehenago; gai-ordena zehatza eta garatua eta, batez ere, deialdiarekin batera negoziazio proposamena idatziz ere helarazi (beti ere, ekarpenek bilera berria justifikatzen badute).

Osakidetzako Mahai Sektoriala ezin da negoziazio antzerkia izan. Osatzen dugun intersindikalaren gainontzeko sindikatuak gauza bera egitera eta jarrera komuna hartzera gonbidatzen ditugu, eta langileok ahalegin berezia egitera komunean antolatu ditugun mobilizazioetan parte hartzen. Hauxe da Osakidetzako Zuzendaritzari eta Darpon jaunari mozorroa kentzeko modu zuzena.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.