2024-05-24
HomeEkintza SindikalaLABek mobilizazioa egin du Arratiako desindustrializazio eta enplegu suntsiketaren aurka

LABek mobilizazioa egin du Arratiako desindustrializazio eta enplegu suntsiketaren aurka

Azken urteotan asko izan dira, lan erreforma eskutan, langileak kaleratu, lan baldintzak desarautu eta arrazoirik gabe ateak itxi dituzten Arratiako enpresak.

Cementos Lemonako borroka luzearen edo Prefabricados Lemonako itxieraren ondoren, azken hilabeteotan etorri da Incoesa ixteko ahalegina, Alfus eta Ormazabaleko kaleratzeak edo Talleres Negarrako amaiera EEEa.

Egoera honek aurrean, LAB sindikatuak mobilizazioa egin du gaur Arratian ematen ari den enplegu suntsiketa eta desindustrializazioaren kontra. Hasteko, Negarra enpresaren aurrean kontzentrazioa egin du. Bertan, 30 langile kaleratu zituen enpresak martxoan. Ondoren, kotxe-karabana egin dute Arratiako herrietatik, Alfus zein Incoesatik pasatuz, urtebetetik gorako gatazka daramaten enpresak. Mobilizazioa Grupo Velatiako enpresa nagusiaren aurrean amaitu da (Zamudioko Parke Teknologikoan) Igorreko Ormazabaleko lantegian kaleratutakoei babesa emateko. Azken hauek euren lanpostuen aldeko eguneroko borrokan murgilduta daude.

Modu honetan, enpresa guzti hauetan hartutako neurriak salatzeaz gain, Arratiak bizi duen egoera larriaz ohartarazi nahi dugu, lanpostuez eta lan-baldintzez gain, eskualde oso baten etorkizuna dagoelako jokoan.

Beste alde batetik, egoera honen aurrean Eusko Jaurlaritza izaten ari den jarrera salatu nahi dugu. Madrilen onartutako erreformak balioztatzeaz gain, desindustrializazio prozesua bizkortu baino egiten ez duten erreformak, egoera larri honen ikusle soil izatera mugatzen dira, benetako arazoei erantzutea helburu ez duten enplegu plan faltsuak aurkezten dituzten bitartean.

 

 

 

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.