2024-02-26
HomeNazioartea IdazkaritzaJardunaldiakLABek martxoaren 7tik 9ra burutu den FSMren kontseilu presidentzialean parte hartu du...

LABek martxoaren 7tik 9ra burutu den FSMren kontseilu presidentzialean parte hartu du Liman

LABek martxoaren 7tik 9ra Liman (Peru) burutu den Munduko Federazio Sindikaleko (MFS-FSM) Kontseilu Presidentzialean parte hartu du.

MFS-ko Kontseilu Presidentziala MFS-ren egitura exekutibo nagusia da eta bertan 5 kontinenteetako 32 sindikatuk hartzen dute parte. LABekin batera mundu osoko beste hainbat sindikatu izan dira bertan: Greziako PAME, Italiako USB, Txipreko PEO, Brasilgo CTB, Kubako CTC, Peruko CGTP. Vietnameko VGCL, Indiako CITU eta AITUC, e.a. Euskal Herria egitura honetan ordezkatuta dagoen Estaturik gabeko Nazio bakarra da.

Bilkuran Venezuelako presidente Hugo Chavez-en heriotza oso presente egon da.
MFSera afiliatzeko azken urtean 42 sindikatuk aurkeztu dituzten esakariak onartu dira; honenbestez, MFSak mundu osoko 84 milioi langile ordezkatzen ditu.

Beste erabaki askoren artean, Sindikatuen Nazioarteko Batasunak indartzea onartu da, eta datorren urriaren 3an mundu mailako mobilizazio eguna burutuko da, murrizketen aurka eta elikadura, osasungintza, hezkuntza eta etxebizitza eskubide unibertsalen alde. Horretaz gain, Gabon-en bulego berri bat irekiko da Afrikako frantses hiztun lurraldeentzako.

Halaber, MFSak aho batez ebazpena onartu du Rafa Diez, eta gainontzeko kide presoak, askatzeko exijituz.

Bere parte hartzean, LABeko ordezkari eta Metal eta Meatzagintzako Sindikatuen Nazioarteko Batasunaren kide den Igor Urrutikoetxeak Europako egoera azaldu zuen, eta metal eta meatzagintzako sektoreen egoera mundu mailan, eta 2013.urteko bigarren zatian burutuko den MM SNBaren II. Kongresurako prestakuntza lanak azaldu zituen (ikusi dokumentua).

Martxoaren 8an, gainera, emakume langileen bilkura eta manifestazioa burutu ziren.

Hurrengo egunetan LABeko kideak Peruko CGTP-ko zuzendaritzarekin bilerak izango ditu hurrengo egunetan eta steon burutuko den metaleko eta meatzagintzako sindikatuen bilkura nazional baten parte hartuko du. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.