2024-04-16
HomeIdazkaritzakIdazkaritza FeministaLABek lanpostuan sexualki erasotu duten Cáritaseko hezitzaile sozialarekiko eta zauritu duten beste...

LABek lanpostuan sexualki erasotu duten Cáritaseko hezitzaile sozialarekiko eta zauritu duten beste pertsonarekiko elkartasuna adierazi nahi du

Ohar honen bitartez, LABek lanpostuan sexualki erasotu duten Cáritaseko hezitzaile sozialarekiko eta zauritu duten beste pertsonarekiko elkartasuna adierazi nahi du, atzo Duestun izandako gertakariak gogorki salatzeaz gain.

Modu berean, adierazi nahi dugu eraso hori instituzioen partetik pobrezia egoeran dauden pertsonen estaldura faltaren testuinguruan gertatzen dela. Horrela, instituzio publikoek, egoera hauei babes nahikoa eskaini beharko lioketenak, gizarte zerbitzu publikoen sistemaren bidez, euren erantzunkizun eta eginbeharrekiko utzikeriaz jokatzen dute.

Honen antzeko erakundeek arreta ematen diete gizarte-bazterketa arazo larriak dituzten pertsonei beharrezkoak diren bitartekorik gabe.

Eraso hauen jatorria erantzunkizun publikoaren utzikerian oinarrituta egon liteke, gizarte-zerbitzuen externalizazioan eta baliabide nahikoak ez izatean, jarduera-protokoloak ez betetzeagatik edo protokolorik ez egoteagatik.

Hala ere, ez dugu ahaztu nahi langile honen kontrako erasoak bere osagarri sexuala duela, beste behin ere, lanaren banaketa sexulararen eta bizi dugun jendartearen rol matxistei erantzuten dielarik.

Bestalde, jendarteari dei egiten diogu mugimendu feministak deitu dituen salaketa ekimenetan parte hartzeko.
ERASORIK EZ, ERANTZUNIK GABE!

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.