2024-06-25
HomeEkintza SozialaEkosozialismoaLABek Garoña behin betiko itxi eta desmantelatzea eskatzen du

LABek Garoña behin betiko itxi eta desmantelatzea eskatzen du

Neurri fiskalen inguruko erabaki bategatik Garoña 2012ko abenduan itxiko zutela publiko egin ondoren, berriro ere bere jardueraren luzapena eskatzera datoz orain. LAB sindikatuak ez du baztertzen eskaera hau berriro mahai gaineratzearen ideia Madrilgo Gobernuarena berarena izan ez daitekeenik.

Ustiapen baimena sei urtera baino gutxiagora luzatuko bazitzaion, politikoki deitoragarria litzateke, Gobernua multinazional elektrikoen txantaian eroriko litzateke jendartearen segurtasuna eta osasuna arrisku larrian jarriz. Iberdrola eta Endesak hondakin erradioaktiboen zergak kendu ditzan Gobernuari exijitzen ibili dira etengabe, eta Madrilek interes horiek lehenetsi ditu herritarrenen aurretik.

Sistema energetiko seguruagoa lortu behar dugu Euskal Herriaren beharrak asetzeko, lanpostu ugari sortuko duena, garapen ekonomiko orekatuagoa, aire garbiagoa eta osasun publiko hobea bermatuko duena. Horretarako lehen urratsa energia nuklearra baztertzea da.

Arabako mugatik hain hurbil dagoen 45 urteko zentral zaharkitu hori lehenbailehen itxi behar dela behin eta berriz exijitu eta exijituko dugu LAB sindikatutik eta Euskal Herriko hainbat mugimendu ezberdinetatik. Bada ordua herritarrontzat horren arriskutsua den zentrala ixteko. Arduragabekeria itzela da zentral hau dituen gabeziekin irekita mantentzea eta bere bizi iraupena luzatzea. Sindikatu garen heinean, esan nahi dugu, denbora luze honetan, ez dutela inguruko herritarren bizi baldintza ekonomikoetan ere pentsatu, hori ere ez da administrazioaren buruhausteen artean aurkitu, ez dute inolako plangintzarik aurkeztu familia horien etorkizun laborala eta bideragarritasun ekonomikoa bermatzeko.
Zentralak emititzen duen erradiaktibitatearen pilaketa zeharo arriskutsua da osasunerako, inguruan urdail eta biriketako minbizia kasuak ohi baino ugariagoak dira. Baina batez ere, ez dugu ahaztu behar energia nuklearra oso arriskutsua dela. Garoñak dituen korrosio arazo, ezusteko eta geldialdiek energia nuklearra segurua dela esaten duten teoria guztiak desmontatzen ditu, beraz etorkizunerako ere argi diogu energia nuklearra ez dela energia iturri bezala barajatu ere egin behar, berau erruleta errusiarrera jokatzen egotea bezalakoa delako.
Euskal Herriko jendarteak argi dauka energia nuklearra baztertu beharra dagoela eta ez dela erregai fosilen alternatiba. Horri esker ez zen eraiki Lemoiz, ez da ausartzen inongo Alkaterik hondakin erradioaktiboentzako biltegia Euskal Herrira ekartzen eta aldarri hedatua da Garoña itxi behar dela.
LABen apostua energia nuklearra baztertzea, eta energia aurrezteari eta eraginkortasunari benetako bultzada ematea da, energia berriztagarri garbiak eta instalazio sakabanatuak sustatzeaz gain. Ildo horretan, herri industrialdunok aurrerapausu handiak eman ditzakegu energia aurrezteko, batez ere elektrizitateari dagokionez.
 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.