Zahar egoitzetako hitzarmenaren negoziazioan zegoen blokeo egoeraren aurrean eta patronalak negoziatzeko zuen borondate eza ikusita, LABek sektore honetako enpresa kudeatzaileekin bilerak egin zituen gure eskaerak azaltzeko: alde batetik Gipuzkoako Aldundiak egindako proposamena onartu dezaten eta bestetik probintzia mailako hitzarmena defendatzeko konpromisoa har dezaten. 

LABek aurrera eraman duen borrokaren ondorioz, maiatzaren 27an, ADEGI patronalak Gipuzkoako Zahar Egoitzetako negoziazio mahaia deitu zuen ekainak 4rako PRECOn.

Argi dugu, orain arte ADEGI eta LARES patronalek ez diotale negoziazioari heldu nahi izan, beraz ekainaren 4ean ADEGI patronalak egingo duen proposamenari adi egongo gara.

LABek probintzia mailako hitzarmena izateko lanean jarraituko du eta horretarako borrokari eutsiko diogu. Probintzia mailako hitzarmenaren alde egingo dugu hori baita modu bakarra sektoreko langile guztiek baldintza berak izan ditzaten.