2023-12-04
HomeMaiatzaren Lehena 2018LABek lan, bizi eta herri duinak aldarrikatu eta milaka pertsona bildu ditu...

LABek lan, bizi eta herri duinak aldarrikatu eta milaka pertsona bildu ditu Nafarroako sei manifestazioetara

Maiatzaren Lehenaren karietara Euskal Herriaren luze-zabalean 25 manifestazio egin ditu LAB sindikatuak gaur. Nafarroan sei izan dira: Iruñean, Tuteran, Altsasun, Tafallan, Lizarran eta Donezteben. Guztietan aldarri bera izan da: lan, bizi eta herri duinak. Nafarroako manifestaziorik jendetsuenean, Iruñekoan, Igor Arroyo LABeko bozeramaile eta idazkari nagusi ondokoak adierazi du beharrezkoa dela “planto orokor bat patriarkatuaren, prekarietatearen eta 78ko Erregimenaren aurrean”.

Arroyoren arabera, “sistema ekonomikoaren helburuak herritar orori lan eta bizi duina bermatzea beharko luke izan, baina Kapitalismoan ez da horrela gertatzen”. Duela 5 urte Bangladeshen 1.000 lagun baino gehiago hil ziren euren lantokiko sapaia erorita eta urteurren horren harira Arroyok adierazi du hori dela “Kapitalismoaren benetako aurpegia: nahiago du 1.000 bizitza arriskatzea, lantokiko teilatua konpontzea baino. Lortutako aurrerapen sozialak ez dira lortu Kapitalismoari esker, baizik eta Kapitalismoaren aurka”.

Arroyoren hitzetan, “Kapitalismoarekiko alternatiboa izango den eredu ekonomiko eta soziala eraikitzeko helburu estrategikoari eutsi behar dio sindikalismoak; bestela asimilatua izateko arriskua dauka”. Era berean, “hala lantokietan nola kalean bizi dugun prekarizazio egoerari erantzun eraginkorrak emateko erronka dauka sindikalgintzak, sektore prekarizatuengana gerturatuz”.

Arroyok azken hilabeteotako mobilizazio sozialak goretsi ditu: “Pentsiodunen mobilizazioek, Altsasuko injustiziaren aurkako herri matxinadak eta, batez ere, mugimendu feministak politikari ustelak eta epaile matxistak kolokan jarri ditu”. Ildo honetan, herri bezala planto egitea defendatu du, patriarkatuaren, prekarietatearen eta 78ko Erregimenaren aurrean.

Maiatzari begira, LABek mobilizazioekin jarraitzea proposatzen du, bi hitzordu zehatzekin. Alde batetik, 1.080 euroko gutxieneko pentsioaren alde, maiatzaren 26an. Eta bestetik, lan baldintzen estatatalizazio eta prekarizazioaren kontra, maiatzaren 30ean.

 

 

 

AZKEN ALBISTEAK | ĂšLTIMAS NOTICIAS

Nafarroako landa eremuko langileek sektoreko prekaritatea behingoz amai dadila exijitu dute Iruñean

Landa-eremuko langile gehienak migratzaileak dira, beste herrialde batzuetatik datoz, eta Nafarroako lurra lantzen dira, guztiok jan ditzagun hainbeste harrotasunez aipatzen ohi ditugun barazki fresko horiek. Nafarroan gero eta talde handiagoa da, baina haien egoera ahulak patronala baliatzen du haiek ustiatzeko.

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.