Gaur, abenduak 12, Gipuzkoako metalgintzako herrialdeko hitzarmenaren mahaia bildu da berriz ere. Gaurkoan LABek azken bileran aurkeztutako proposamenari erantzun zaio. ADEGIk ultraaktibitate mugagaberik eta inaplikazioaren klausularik ez duela onartuko adierazi eta proposamen gisa, indarrean dagoen hitzarmena 2 urtez indarrean mantentzea eta soldaten izoztea aurkeztu du.
LABek hitzarmenaren aldeko apustua mantentzen du, eta argi utzi du negoziazio honetan akordioa erdiesteko beharrezko baldintza izango dela hitzarmena derrigorrezko aplikaziokoa izatea metalgintzako herrialdeko enpresa guztietan.
Hurrengo bilera abenduaren 27an izango da, bertan, LABek blindajearen inguruko proposamen zehatza aurkezteko konpromisoa hartu du.