Lanbideko langileek greba eguna burutu zuten pasadan astelehenean, hilak 17, Euskal Enplegu Zerbitzuak Lanbiderako duen plangintzaren aurka. Greba egunaren baitan manifestazioa egin zuten Bilbon Jaurlaritzaren egoitzatik abiatuta.
Honen aurrean, langile eta sindikatuek administrazioari proposatutako zerrenda bertan behera uztea eta benetako negoziaziori behingoz heltzea eskatzen diote. Bertan, lanpostuen kopuru erreala eta lanpostu horien atxikipena egiteko irizpideak kontutan hartuz.
Honetarako Lanpostu Zerrenda egokiak osatzeko bete beharreko irizpideak luzatu dizkiote administrazioari eta lau puntutan zehazten direnak:
– Transferentzien dekretua errespetatzea,bai lanpostuen kopuruari dagokiolarik, zein lanpostuen kategoriari.
– Lansarien eta eskuraturiko eskubideen mantenua
– Gaur egun dauden langile guztientzat lanpostuak Lanbideko egituran
– Eta, derrigortutako mugikortasuna bertan behera uztea.
Aldarrikapen hauetan esandakoari berretsiz, Lanbideko langile eta sindikatuak Administrazioak haren asmotan atzera egin arte eta langile guztien eskubideak bermatu arte mobilizatzen jarraituko ditela aldarrikatu dute.