Nafarroako Gobernuak 2016-2019 aldirako enplegu-plan berria aurkeztu zuen atzo hedabideen aurrean. LABek ordu gutxi batzuk lehenago ezagutzeko aukera izan zuen. Egoera honen aurrean AB sindikatuak Nafarroako Gobernuaren jarrera salatu nahi du, zeinak, hedabideen aitzinean Plana aurkeztu baino lehen, ez duen itxurarik ere gorde, gizarte eragileei eta sindikatuei ez baitie aukerarik eman hura ezagutzeko. Gure sindikatua ez du gogoan ere izan hura lantzeko.

Honen harira, esan, aipatu Enplegu Plana sakon aztertuko dugula, horrela bermatu ahal izango dugu plan hori benetako baliabidea izango dela Nafarroako langileei dagozkien eskubideen mesedetan, denak enplegu kalitateaz horni daitezen.

Azkenik, Nafarroako Gobernuak egin duen proposamenaz gogoeta egin dezan Elkarrizketa Sozialaren Kontseilua deituko duela iragarri duenez, nabarmendu nahi dugu horren aurka gaudela. Dena den, patronalaren konpartsa den foro batez ari gara, langileriak dituen beharrei erantzuten ez diena, eta horrez gain, gaur egun, Nafarroako gehiengo sindikala ordezkatzen ez duena.

Hortaz, Nafarroako Gobernua deitzen dugu gogoeta egin dezan 2016-2019ko Enplegu-planaren proposamenaz Nafarroako gizarte-eragile eta sindikatu guztiekin batera.