2024-09-20
HomeIrakaskuntzaHezkuntzaLABek euskal jendartearen aktibazioa bilatuko du Euskal Herriak behar eta nahi duen...

LABek euskal jendartearen aktibazioa bilatuko du Euskal Herriak behar eta nahi duen Hezkuntza Sistema Propioaren eraikuntzan

LAB sindikatuak LOMCEren inguruko azken bileran EAEk azaldutako epelkeria eta Nafarroak erakutsitako erabateko atxikimendua salatu eta Euskal Herriak behar eta nahi duen Hezkuntza Sistema Propioaren eraikuntzan jendearen aktibazioa bilatuko duela jakinarazi du.

Madrilen eginiko azken bileraren gaineko LABen irakurketa:

Hego Euskal Herri mailan hezkuntzaren kudeaketan dihardutenen hitzak entzunda, bizkarrezurretik hotzikara itzelak zeharkatzen gaitu. EAEn epelkeria eta argudio ekonomizista hutsak erabiltzen diren bitartean, Nafarroan LOMCErekiko erabateko atxikimendua azaleratzen da.

EAEn PNVk “euskal hezkuntza sistema” defendatzen jarraituko duela eta LOMCEk Eusko Jaurlaritza aurka edukiko duela azpimarratzen du baina intsumisiorik gabe bere aplikazioan. PNVri galdera batzuk egingo genizkioke: zer da gaur egungo “euskal hezkuntza sistema”? Akaso duela 6 urte agortutako irakastereduen sistema indarrean mantendu eta mantentzeko asmoa duena? Akaso Madrilen ezarritako ibilbide akademikoa goitik behera barneratzen duena? Akaso Madrilek ezarritako curriculumaren %55a ezartzen duena? Akaso… PNVk dagoeneko “euskal hezkuntza sistemaren” jabe garenaren irudia saldu nahian dabilkigu. Horrekin batera, LOMCEren aurka egongo direla aipatzen digu; baina horretarako erabili dituen argudio bakarrak, batetik, ekonomikoa eta bestetik, erkidegoak LOMCEren curriculum garapenak irailaren 1a baino lehen egitea ezinezko dela aipatzen du. Ez dirudite pisuzko arrazoiak LOMCEren aurka daudela esateko, arazo ekonomikorik egongo ez balitz? Erkidegoek curriculuma garatzeko denbora edukiz gero? Egoera horretan zer?

Nafarroan arazorik gabe indarrean jarriko dela behin baino gehiagotan aipatu izan dute UPNkoek. Ikusi besterik ez dago Nafarroako Hezkuntza Sailburua den Jose Iribasek botatako baieztapen argigarria: “Somos españoles, somos demócratas y mientras esté vigente la vamos a aplicar”. Hori ikusita ezer gutxi dago aipatzeko, dena esanda dago. Aspaldikoa da UPNk euskararekiko eta euskal kultura eta hezkuntzarekiko duen gorrotoa. Azken hilabeteotan D ereduaren aurkako kanpainari ekin diote Guardia Civilarekin batera. LOMCEk jazarpen eta garbiketa kultural horretan laguntza itzela ematen dio.

LOMCE Hego Euskal Herriaren hezkuntza propioaren bidean jasaten dugun beste eraso bat gehiago da. LABek euskal jendartearen aktibazioa bilatuko du datozen hilabeteotan, irailaren 1etik aurrera Euskal Herriak behar eta nahi duen Hezkuntza Sistema Propioaren eraikuntzan urratsak ematen hasteko. Herri honek hezkuntzarenganako erasoaldi eta oldarraldi itzelak gaindituta ditu. Irailaren 1etik aurrera gure bide orri propioan sakondu dezagun!
 

LAB sarean
{module[111]}

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.