Adunako Unipapel enpresako langileak 83 langileren lanpostua arriskuan jartzen duen deslokalizazio planaren kontra greba mugagabean dira urtarrilaren 20az geroztik. Atzo zuzendaritzak materiala ateratzeko agindua eman zuen eta langileak eta eskualdeko herritarrak materiala zeramaten kamioiak gelditzen saiatu ziren. Ertzantzak gerturatutako langile eta herritarrak bortizki eta kupidarik gabe kolpatu eta bertatik bota zituzten.

Atzo goizean langileen ordezkariak eta enpresak bilera bat zuten 83 langileren lanpostua arriskuan jartzen duen produkzioaren zati handi bat Logroñora eramateko erabakiaz hitzegiteko. Bilera aurretik enpresak hiru kamioi bidali zituen lantegira materiala ateratzeko. Arazoa konpondu bitartean langileek enpresarekin ez biltzea erabaki zuten, baina zuzendaritzak ez zuen kasurik egin eta ertzaintza ekarri zuen kamioien irteera ziurtatzeko.

Arratsaldeko 5etan eta ertzaintzak kamioiak beteta zeudela ziurtatu eta akta jaso ondoren, materiala enpresatik ateratzen hasi ziren. Honen aurrean langileak lurrean eseri eta kamioiei bidea oztopatzen saiatu ziren. Beren aldetik Ertzaintzak berriro ere bortizki, inongo kupidarik gabe, jokatu zuen, langileak lurretik altsa, kolpatu eta bertatik bota zituztelarik kamioiei bidea libre utziz.

Langileek zuzendaritzaren eta poliziaren jarrera salatu eta gerturatutako herritar eta langileei eskerrak eman zizkieen eta borrokan jarraitzera animatu zituzten.

Zuzendaritzarekin bilera bihar
Bihar, hilak 5, langileek bilera bat dute Madrildik etorriko diren enpresako zuzendariekin. Langileek goizeko 9:00etan elkarretaratzea egingo dute lanpostuen defentsan.
 

LAB sarean
{module[111]}