2024-06-24
HomeUncategorizedLABek erabateko gehiengoa lortu du Xileman eta beste bi enpresetan irabazi du

LABek erabateko gehiengoa lortu du Xileman eta beste bi enpresetan irabazi du

Zentronikoko Gourmetfood enpresako Komitean sartu da, UGTren aldeko putxerazo berria gaindituz. Maiatzaren 31ko datu ofizialek goranzko joera berretsi dute: 832 ordezkarirekin, LABek %13,35 lortu du.

Nafarroako LABek emaitza onak eskuratu ditu, berriro ere, azken astean egindako hauteskunde sindikaletan.

Xileman, gizarte ekintza eremuko enpresan, LABek 9 ordezkarietatik 5 lortu ditu (2 CCOO, 1 UGT, 1 ELA).

Orkoiengo Udaletxean, LABek aukeratzen ziren hiru ordezkariak lortu ditu. Era berean, hauteskundeak irabazi ditu Ultzamako Gizarte Zerbitzuetan (ordezkari 1)

Azkenik, aipatzekoa da Zentronikoko Gourmetfood enpresako Komitean sartzea lortu duela (5etik 1), hori eragozteko enpresak jarritako oztopoak gaindituz. Izan ere, enpresak UGTko zerrenda sustatu, LABen kontrako kanpaina egin eta Sartaguda Ikastolako sukaldeetako bi langileri bozka eskubidea kendu baitzien LAB bozkatuko zutela pentsatzerakoan. Putxerazoaren gainetik, LABek ordezkaritza lortu du.

Maiatzaren 31ko datu ofizialek goranzko joera berretsi dute: 832 ordezkarirekin, LABek %13,35 lortu du. Urtarrilaren 1etik gehien igo den sindikatua da.
 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.