2024-03-29
HomeHerriak du hitza eta erabakiaLABek dei egin dio PNVri abertzaleen arteko akordio politiko bat bultzatu dezan,...

LABek dei egin dio PNVri abertzaleen arteko akordio politiko bat bultzatu dezan, krisiari irtenbidea hemen eta bertako eragileen artean eraikitzeko


Raxoiren Gobernuak erreforma eta eraso berriak iragarri ditu, EAE aurrekonturik gabeko eskenatoki batean gaude eta langabezi datuak beldurgarriak dira. Egoera larri honen aurrean AINHOA ETXAIDE LABeko idazkari nagusiak, eta BEA MARTXUETA politika sozialetako idazkariak, pasa den asteak utzitako hiru titular nagusi horien gainean LABen irakurketaren berri eman dute.

Madriletik eraso berriek egoera larritu besterik ez dute egingo, noiz eta hemengo gobernuak krisi egoeran daudenean: Nafarroako Gobernua ustelkerian itota PSNrekin gobernu ituna egin nahian eta EAEn Urkullu aurrekonturik gabe, akordio politikoak eraiki nahian.

Gauzak horrela, LABeko idazkari nagusi Ainhoa Etxaidek interpelazio zuzena egin dio PNVri: "Ez dezala Barcinaren bidea hartu, baizik eta egin dezala hautua Euskal Herrian bide berri eta propioa abiatzeko, horretarako gehiengo abertzale parlamentarioa badagoelako".

Bide propioa eraikitzeko akordioak jaso beharreko elementuak

1.-Politika propioak egiteko eskubidea defendatzea eta babestea madrilen aurrean.

• Aurrenkontuak hemen egiteko eskubidea, parlamentuaren esku dago aurrekontuen gaineko erabaki guztiak hartzea, defizita eta gastuaren maila baita ere.
• Bertako instituzioei dagokie bertan aplikatuko diren politika ekonomiko, sozial eta laboralak finkatzea. Hemen finkatu behar dira adostasunak lortuz eta erabakiak modu demokratiko batean hartuz.

2.- Krisiaren irtenbidea hemen eraikitzeko prozesua adostea

• Zeintzuk diren behar diren akordioak.
• Zeintzuen artean eraiki behar diren.
• Nola antolatuko den eztabaida eta negoziazio guzti hori.

3.- Europan interlokuzio propioa euskal eremuari buruzkoak zuzenean negoziatzeko eta adosteko.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.