2024-04-20
HomeEkintza SindikalaLABek bertze hiru lanuzte deitu ditu apirilean zahar egoitzetan, Nafarroako sektoreko lehen...

LABek bertze hiru lanuzte deitu ditu apirilean zahar egoitzetan, Nafarroako sektoreko lehen hitzarmena behingoz lortzeko

Atzo, martxoaren 26an, LAB sindikatuak Nafarroako zahar egoitza pribatuen sektorean programatuak zituen hiru lanuzteetako azkena egin zuen; gainera, kontzentrazioa egin zuen Iruñeko Foruen Plazan, Misericordia Etxeko zahar etxearen aitzinean. LABek badaki mobilizazio-dinamika horrek deseroso jartzen dituela bai patronala bai Nafarroako Gobernua, eta, beraz, harekin jarraituko du, Nafarroako zahar egoitzen lehenbiziko hitzarmena egia bihurtu arte. Ildo horretan, bertze hiru lanuzte deitu ditu apirilerako.

Duela zenbait hilabete, zahar egoitza pribatuen Nafarroako lehen hitzarmena lortzeko sortutako intersindikalaren pasibotasuna ikusita, LABek borroka sindikalerako bide propio bati ekitea erabaki zuen, eta mobilizazio eta ekintza batzuk egin ditu: errepide-mozketak, patronalen egoitzaren okupazioa, lanuzteak, eta hainbat kontzentrazio Nafarroaren luze-zabalean. Eta bidean jarraituko du patronalak eta Gobernuak behin betiko hitzarmen sektoriala gauzatu arte. Hala, langileei dei egiten die apirilaren 10ean eta 17an 10:00etatik 12:00etara lanuzteak egiteko eta apirilaren 24an, egun osoko greba.

LABek Nafarroako zahar egoitzen hitzarmen propioa nahi du, sektorearen beharrak eta Nafarroako bizi baldintzak jasoko dituena, Nafarroan lantzen dena Nafarroan negoziatzen delako.

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.