2024-06-16
HomeEkintza SindikalaMecaner-eko enpresa-batzordearen gehiengoak publiko egin du egindako Trantsizio Ekosozialerako Plana, konponbideen bilaketarako...

Mecaner-eko enpresa-batzordearen gehiengoak publiko egin du egindako Trantsizio Ekosozialerako Plana, konponbideen bilaketarako tresna bezala

Enpresa-batzordearen gehiengoak, atzo egin zen Mecaner ixteko EEEaren prozesuko mahai negoziatzailearen hirugarren bileraren ondoren, honako irakurketa egiten du.

Bilera honetan, enpresak, Stellantiseko estrategia global industrialaren buruaren eskutik, itxiera erabaki aurretik ustez aztertu duten alternatiben azterketa ekonomiko bat aurkeztu zuen, aurretik hartuta zegoen erabaki guztiz estrategiko bat justifikatzen ahalegintzeko.

Enpresa-batzordearen gehiengoak berriro utzi du argi Mecaner-en etorkizunaz hitz egin beharra dagoela eta ez bere itxieraz, modu serio eta lasaian, jarduera industriala eta enpleguari eustea bermatzeko.

Lehenik, adierazi du beharrezkoa dela EEEa erretiratzea proposamenez hitz egin ahal izan eta konponbideak bilatzeko. Horregatik, Urdulizko Udalaren laguntzaz eta Garua kooperatibarekin batera egin duen Trantsizio Ekosozialerako plana aurkeztu du. Gainera, Stellantis eta Jaurlaritzarekin bilera egitea eskatu du, Mecaner-en etorkizuna bermatuko duten aukera desberdinei eta bideei buruz. “Eusko Jaurlaritza eta Stellantis prest al daude Mecaner-en etorkizunari buruz?”, galdetu du.

Enpresa-batzordearen gehiengoak erakutsi du prest dagoela eta Mecaner-erako etorkizun bat posible dela.

Horregatik, prentsa-ohar honekin batera gizartea eta eragile sozial, politiko eta komunikabideekin partekatu dute egin duten Trantsizio Ekosozialerako Plana, konponbideen bilaketarako tresna bezala.

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.