2023-12-07
HomeUncategorizedLABek bat egiten du «EUSTORMA» ekimenarekin

LABek bat egiten du «EUSTORMA» ekimenarekin

“EUSTORMA” ekimena enplegu suntsiketaren aurka eta zerbitzu publikoen garapenaren alde egiteko jaio da Araban. LAB sindikatuak ekimenak dituen helburuekin bat eginez, apustu garbia egiten du ekimenarekin lan egiteko kalitatezko zerbitzu publikoen alde eta injerentziaren eta enplegu suntsiketaren aurka.

ESTORMA ekimena hurrengo komite eta langile batzordeek osatutzen dute: Gasteizko Udala, Arabako Foru Aldundia, Gizarte Ongizaterako Foru Erakundea, Gazteriaren Foru Erakundea Tuvisa, Amvisa, Fcc, Ensanche 21, Luis Aranburu Musica Eskola, Jose Uruñuela Kontserbatorioa, Perica, 010 eta Indesa.

Abenduaren 21an Zerbitzu Públikoen Aldeko Eguna ospatu zen EUSTORMA ekimenak deituta. Lanuzteak, giza kateak eta horri banaketak egin zituzten administrazio desberdinetako hainbat langilek. Arratsaldean, hiritarrekin batera, manifestazio jendetsu batekin bukatu zuten eguna.

 

Abenduaren 21eko manifestazioa

Abenduaren 21eko giza katea

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.