2024-03-05
HomeLan Osasuna IdazkaritzaOsalanLAB: “Zuen propagandaren gainetik, gure osasuna eskubidea da”

LAB: “Zuen propagandaren gainetik, gure osasuna eskubidea da”

Gaur maiatzaren 23an, Osalanek antolatutako Lan Arriskuen Prebentzioaren III. Nazioarteko Biltzarra dela eta, LABeko delegatuok Euskalduna Jauregiaren aurrean elkarrateratzea egin dugu. kontzentrazio horrekin salatu nahi izan dugu Kongresu hau paperera bideratua dagoela eta hauteskundeei begira eginiko ekintza bihurtuko dela, Patxi Lopezen exekutibaren gainbeherari jarraipena emanez. Horregatik guztiagatik, honako lelo honekin egin dugu protesta: “Zuen propagandaren gainetik, gure osasuna eskubidea da”. Aldarrikatu dugu langileen osasunak ezin daitekeelako egon zortearen edo egoera ekonomikoaren menpe.
Osasunaren galerak ez dira ematen ezagutza tekniko edo medikoen gabeziengatik, arrisku eta konponbideak ezagutzen dira baina ez da prebentziorik egiten. Eta horixe da exijitzen duguna, gure osasuna eskubidea dela eta diru publikoak propaganda egiten gastatu beharrean, egin behar dutena da benetako neurri eraginkorrak ezartzea langileok osasuna, eta gehiegitan bizitza, galtzen jarrai ez dezagun lanean edo lanpostuaren erruagatik.

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.