2024-05-28
HomeNazioartea IdazkaritzaElkartasunaLAB sindikatuak bat egiten du Ikatz meatzaraien borrokarekin eta burutzen ari diren...

LAB sindikatuak bat egiten du Ikatz meatzaraien borrokarekin eta burutzen ari diren protestekin

LABek bere babes osoa eta elkartasuna adierazten die Asturias, Aragoi, Gaztela eta Estatu espainiarreko beste hainbat Herritan euren lanpostuen alde greban eta borrokan 40 egun baino gehiago greban daramatzaten ikatz meatzariei. Halaber, bihar uztailak 11 Madrilen manifestazio batekin amaitzekoa den meatzarien martxarekin bat egiten du sindikatu honek.


Meatzari hauek Alderdi Popularreko (PP) Gobernuak burutu nahi duen meategien itxieraren aurka ari dira borrokan. Izan ere, hurrengo aurrekontuetan ez dira aurrikusten sektore honen biziraupenerako beharrezkoak diren diru iturriak, eta horrela Estatu espainiarreko 30.000 langilek euren lanpostua arriskuan dakusate. Beraz, meategien itxiera bilatzen du PPk datorren urteko aurrekontuetatik kanpo utziz sektore hau, nahiz eta Europatik sektore honetarako aurrikusten diren laguntzen murrizketaren aurka dagoela esan.

Bankiari 23.000 milioi eta Banka osoari 100.000 milioi euro inongo baldintzarik gabe emango dizkien PPko Gobernu ultrakontserbadore horrek ez dauka inongo borondate politikorik meatzagintza bezelako sektore estrategiko batean 400 milioi inbertitzeko. Gainera, langile hauekin negoziatu beharrean, erreprimitu egiten ditu.

Euskal Herritik LABek bere babes eta elkartasun osoa adierazten die Asturiasen, Gaztelan, Aragoin eta Estatu espainiarreko beste Herri batzuetan borrokan ari diren meatzariei, eta euren bidezko eskariei. Halaber, euren aurkako jazarpena salatzen dugu eta Estatu espainiarreko gobernuei eta europar instituzioei sektore honen biziraupena berma dezaten eskatzen diegu.

AZKEN ALBISTEAK | ÚLTIMAS NOTICIAS

Indarkeria matxista lantokietako prebentzio planetan sartzeko eskatu dugu

Lan Osasuneko ebaluazioetan arrisku bezala identifikatu eta landua izan dadin, Osalan zein NOPLOIra eramango dugu proposamena.

CCC: 85 urteetako bilakaera zaborretara eta, ondorioz, 50 langile kalera

Urrutiko formakuntza eskaintzen duen CCC Donostia enpresan haserrea agerikoa da. Duela hiru urte, 1939an Donostian sortu eta 85 urteetan zehar Gipuzkoan errotuta egon den gure enpresa Grupo Crescendo deituriko inbertsio-funtsak xurgatu zuen. Geroztik, Donostiako lan-zentroaren hustutzea bizi izan dugu, oinarrizko sailak (ikasleari arreta, informatika, kontabilitatea, marketing-a eta arlo komertziala) Madrilera eraman baitituzte: 2020an bertan lan-zentro bat ireki zuten; hori bai, Donostiako CCC-ko lan esperientzia baliatuz eta irabaziak lortuz, hemen gauzatzen genituen gestioei esker.

Bizkaiko ostalaritzan akordioa #LortuDugu: erronda hau beraien kontu!

Soldatak desizozteaz gain, sektoreko urraketak, iruzurrak eta gehiegikeriak oztopatzen dituen akordioa lortu du LABek. Sektore gutxitan gertatzen dira honetan adina irregulartasun eta iruzur; hori dela eta, hitzarmena baldintzak erregularizatzeko tresna izan behar da, eta hori izan da bere lehentasuna negoziazio honetan.