2024-02-28
HomeNazioartea IdazkaritzaHarremanakLAB Jamal Jumá palestinarrarekin eta Salim Vally hegoafrikarrarekin bildu da

LAB Jamal Jumá palestinarrarekin eta Salim Vally hegoafrikarrarekin bildu da

LABeko ordezkaritza bat JAMAL JUMÁ palestinarra eta SALIM VALLY hegoafrikarrarekin bildu da. Bilkura Bakea eta Duintasunaren elkartearen eskutik gauzatu da. JAMAL JUMÁk Palestinako egungo egoera aztertu eta Palestinar herriak pairatzen duen apartheidaren aurkako BDZ nazioarteko kanpainaren berri eman du. BDZ (Boikota, Desinbertsioa, Zigorra ) kanpaina 2005. urtean abiatu zen. Palestinarren eskubideak bermatu bitartean Israelgo estatuari presioa egitea du xedea. SALIM VALLYk aldiz, Hegoafrikan nazioarteko boikot kanpainak Hegoafrikan 1990 hamarkadararte indarrean egon zen apartheid sistemaren aurka borrokatzeko izan zuen garrantzia azaldu du.

JAMAL JUMÁ Jerusalemendarra da, palestinar herriko erakunde desberdinetako kide ( PARC, PACE, PENGON, …) eta 2002tik apartheid harresiaren aurkako palestinar herri mugimenduaren koordinatzailea da. JAMAL JUMA ezaguna da munduan zehar eta NBEan Palestinar gatazkari eta apartheid harresiari buruz emandako hitzaldiengatik.

SALIM VALLY Hezkuntza eskubide eta eraldaketa zentroaren zuzendaria da, Johannesburgoko unibertsitateko Hezkuntza fakultatean irakasle elkartua eta Nelson Mandela Unibertsitate Metropolitarrean irakasle bisitaria da. 70. hamarkadan irakasle mugimenduaren kide esanguratsua izan zen, atzerrira alde egin izan zuen arte. 1982an itzuli zen Hegoafrikara eta COSATUko (Hegoafrikako Sindikatuen Kongresua) sortzaileetako bat izan zen.
 

 

 

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.