2024-04-16
HomeIndustriaMetalgintzaGreba eguna Condesan: langileen etorkizuna ez da argitzen

Greba eguna Condesan: langileen etorkizuna ez da argitzen

Condesa taldeko LAB eta ELAk jakitera eman dute enpresak hartzekodunen konkurtsoan sartzea eragotziko lukeen ahozko akordio bat lortu duela iragarri diela. Bi sindikatuek langileen eta langileen ordezkarien bizkar egindako akordioa dela salatu dute. Condesa taldean ohikoa den informaziorik ez emateko ohituraren aurrean eta enpleguen defentsan greba eguna dute gaur, hilak 13. 12:00etan manifestazioa egingo dute Plaza de Los Desamparados delakotik San Prudentzio kaleko enpresako bulegoteara.

Condesa Taldeko LAB eta ELAren irakurketa
CONDESA: gure etorkizuna ez da argitu

«Gaurkoan Condesa enpresak jakinarazi du ahozko akordio bat lortu duela hartzekodunen konkurtsoan sartzea eragozteko.

Lehenik eta behin, ELA eta LABek langileen bizkar egindako akordioa dela salatu nahi dugu, guk ez dugu negoziaketan parte hartu, eta ez dugu akordioaren berri. Ez dugu akordioaren xehetasunen berri, ez dakigu Condesa proiektua nork gidatuko duen, eta hortaz, Condesa taldean ohikoa den informaziorik ez emateko ohiturarekin jarraitzen dutela salatu nahi dugu.

Bestalde, informazio ezak, eta zehazki akordioaren edukiak ez ezagutzeak, langileon beharrak asetzen ote dituen ez jakitea dakar: ez dakigu enpleguaren inguruko bermerik dagoen (1000 lanpostutik gora zeharkako eta zuzeneko enpleguan), lan baldintzen mantentzea jasotzen den edota lantoki guztietako iharduera industriala jasotzen den. Hortaz, Condesa Taldeak denbora irabazi nahi duela uste dugu, balizko bazkideekin guri eragingo digun berregituratze prozesu bat abiatzeko. Honen aurrean gu ez gara geldirik egongo.

Zentzu honetan, 13rako greba deialdia berretsi nahi dugu, eta gogoratu 12:00tan mobilizazioa burutuko dugula Plaza de Los Desamparados delakotik San Prudentzio kaleko enpresako bulegotara. Uste dugu ahozko akordio honek ez dituela mobilizazioaren helburuak asetzen, eta hortaz Condesa Taldeari, erosle-inbertsoreei, bankari eta instituzioei enplegua eta eskubideak ez murriztea bermatu arte kalean jarraituko dugula jakinarazi nahi diegu.

Horregatik Eusko Jaurlaritzari, zehazki Industria Garapeneko Zuzendariari bilera batean enpleguaren defentsan konpromisoak hartzea eskatu diegu. Onartezina litzateke eskubide edo enplegua ekarriko lukeen “konponbide” bat babestea. Bilera burutu dugun bitartean, CONDESA FABRIL eta CONDESA INOXko langileek kontzentrazioa burutu dute bizi dugun egoera salatzeko, gure enlpegua eta lanbaldintzen defentsan.

Gasteiz, 2014ko Azaroaren 12an

CONDESAKO ELA ETA LAB SINDIKATUAK»
 

 

 

AZKEN ALBISTEAK | ĂšLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.