2024-05-20
HomeZerbitzu PublikoakIrakaskuntzaLAB, berriz ere, Nafarroako mahai sektorialetik altxatu da

LAB, berriz ere, Nafarroako mahai sektorialetik altxatu da

LABek PAI programa deritzona legeztatzeko martxan jarritako dekretua bertan behera uztea eskatzen du eta honekin batera hurrengo ikasturtean programa martxan jarriko den ikastetxeetan ez ezartzea, hala nola, ezarrita daudenetan bertan behera uztea.

PAI programa nolabait legeztatzeko, dekretu berri baten aurkezpena egin ziguten. Gure iritzia eman ondoren eta guk proposatutako aldaketek inolako erantzunik izan ez dutenez, negoziazio mahaia utzi dugu.

Beste behin ere agerian geratu da PAI programa martxan jartzeko ez direla baldintza nahikoak ematen irakasleriaren ingeleseko titulazioari begira. Berez C1 maila eskatzen du Hezkuntza Departamentuak, baina salbuespenak arau bihurtuz, egun hainbat irakasle B2rekin soilik ari dira ingelesez klaseak ematen. Hau gutxi balitz, Dekretu honetan, behin behineko akreditazioak eskaini nahi dira azterketatxo baten bidez.

Inposatutako programa honek irakasleriaren lan-baldintzak zeharo okertzea dakar, besteak beste behar ez den mugikortasuna. Gainera, Madrileko Carlos III. Unibertsitateak egindako ikerketak erakutsi bezala, PAI programak eragin kaltegarriak ditu ikasleen heziketari dagokionez. Hortaz, argi dago zein den UPNren asmoa: irakasleen lan baldintzen kontura, ikasleen heziketa kaltetuz, euskarazko irakaskuntzaren hedapena mugatzea, PAI izeneko esperimentu txar horren bidez.

LABek Dekretu hau bertan behera uztea eskatzen du eta honekin batera hurrengo ikasturtean PAI martxan jarriko den ikastetxeetan ez ezartzea, hala nola, ezarrita daudenetan bertan behera uztea.
 

 

 

AZKEN ALBISTEAK | ÚLTIMAS NOTICIAS

00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.

Lantegiz lantegi zabaldu dugu Palestinan genozidioa geldiarazteko aldarria

S.O.S. Rafah, genozidioa STOP lelopean gaurko deitutako ekimenen baitan, Euskal Herriko hainbat eta hainbat lan-zentrotan palestinar herritarrekiko elkartasuna zabaldu eta Israelek aurrera daraman genozidio ankerra berehala geldiarazteko exijitu dugu.

Langileek baztertu egin dute Bilbobusen UGTk, CCOOk eta USOk babestutako aurreakordio eskasa eta borrokari berrekin diogu

Aldarrikapen funtsezkoetakoa zena ere ez zuen jasotzen asteon iragarritako aurreakordioak, hau da, soldatak KPIari lotzearena. Hala, erabakia atzo langileen asanbladara eraman ostean, aurreakordioari ezezkoa eman zioten langileek (287 boto ezezkoaren alde; 249 baiezkoaren alde). Hala, batzordearen gehiengoaren iruzurrari gailendu gatzaizkio langileok.