Aste bat baino gehiago pasatu da Hezkuntza Batzordea bildu zenetik. Bertan adostu zen, titulartasun bat lortzekotan, Minas egoitzan gure hezkuntza proiektuarekin jarraitu ahal izango genukeela. Ordutik, aurrera egiteko saiakera guztiak erantzunik gabe jarraitzen dute, beraz gaur berriro ere Bizkaiko Hezkuntza Lurralde Ordezkariarekin eta Hezkuntza Sailburuordearekin biltzeko hitzordua exijitzen du La Milagrosako Hezkuntza Komunitateak.

Hain zuzen ere, pasa den ostegunean, maiatzaren 4an, La Milagrosako Hezkuntza Komunitateak Bizkaiko Lurralde Delegatuarekin eta Hezkuntza Sailburuordearekin biltzeko hitzordua eskatu zuen. Gaur egun oraindik ez daukagu erantzunik. Lotsagarria da eskuartean daukagun arazoarekin horrelako portaerak ikustea.

Noiz arte izan nahi gaituzte itxaroten? Zenbat ordu eman behar dugu telefonoz deika eta idazkiak egiten beraiekin biltzeko?

Publikoki, Bizkaiko Hezkuntza Lurralde Ordezkariarekin eta Hezkuntza Sailburuordearekin biltzeko hitzordua exijitzen dugu. Bilera honetan Minas eraikinaren baldintzetaz hitz egingo genuke. Gure iritsiz jarrera honen atzean dagoen helburua garbia da: familia eta langileei motibazioa galaraztea eta ezinezko egitea inolako titulartasunik lortzea.

Publifikazioa ukatuta eta titulartasun baten beharra eta eraikina eskeinita, orain Administrazioak ez du bere lana betetzen.