Ikasturtea hastear gauden honetan, LABek berriro salatu behar du Bilboko La Mercek HHI publikoaren egoera. Arrazoi ezberdinengatik ikastetxe honen egoera kaskarra jasaten ari gara. Joan den ikasturtean, LABek Bilboko ikastetxe publiko batzuetan, hauen artean La Merced HHI-a, jasan ohi zen hotza salatu zuen. Aipatu ikastetxean jasan ohi zen tenperatura lan osasunaren araudian jasotzen denaren azpitik zegoen; egoerak langileen zeregina zailtzen zuen, baita eskola hartako ikasleena ere.

Tenperaturaren arazoaz gain, eraikina egoera txarrean dagoela antzeman zen ere; eraberritze sakona behar du, 300.000 bat eurotan baloratu dena. Jakin dugu, joan den martxoan, teilatu-hegal bat askatu zela; hori ikastetxearen benetako egoeraren adierazgarria da. Badakigu, kalteak saihesteko, oinezkoak babesteko egitura jarri dutela eta aipatu egitura martxoaz geroztik muntatua dagoela.

300.000 eurotako aurrekontua duen eraberritzea egiteke dago oraindik. Arazoa eraikuntzaren titulartasunean datza: Udala eta Hezkuntza Saila oraindik ez dute adostu nori dagokion eraberritzea. Horrela, berriro, ikasturte berriaren atarian gauden honetan, zailtasunak izan ditzakegu.

Egia da hotzaren arazoa berotze orduak handituz konpondu zela, dena den, gure iritzian neurria eskasa izan zen, susmatzen dugulako egiteke dagoen eraberritzea egingo ez den bitartean, arazoa ez dela amaitutzat joko.

LABen iritziz erakundeak (Bilboko udalak eta Hezkuntza Sailak) erakusten ari diren axolagabekeria kezkagarria da, egiturak diru altxorrari, egunero, 214 eurotako kostua eragiten baitio. Aipatu kopurua ipinia dagoen egun kopuruarekin biderkatzen badugu, horren zenbatekoa 33.473,88 eurotakoa da, eta egoerak beste urte batez luzatuko balitz, azkenean esleituko litzatekeen kopurua 76.176,54 euro izango da, hots, aurrekontuaren %25a. Gauzak horrela geure buruei galdetu beharko genioke nork hartuko duen bere gain gastu hori? Ez da kudeatze txarra titulartasuna norena den ezin argitzeak eragin dezakeen gainkostua? Noiz arte jokatuko dute katua eta sagura Bilboko udalak eta Hezkuntza Sailak? Eta are garrantzitsuagoa dena, noizko ezabatuko dira eraikuntzaren arriskuak?