2024-06-18
HomeEkintza PolitikoaKontseiluarekin batera, azaroaren 4an mobilizatzeko deia egin dugu, euskararen aurkako oldarraldi judizialaren...

Kontseiluarekin batera, azaroaren 4an mobilizatzeko deia egin dugu, euskararen aurkako oldarraldi judizialaren aurrean

Kontseiluak agerraldi jendetsua egin du gaur Bilbon, hainbat eragile eta norbanakoren parte-hartzearekin. Bertan parte hartu du Arantxa Vazquez sindikatuaren zuzendaritzako kideak.  Azken hilabeteotan euskararen biziberritzea helburu duten neurrien kontra auzitegietatik jasotako sententzien aurrean, “Maiatzaren 10eko adierazpena” aurkeztu du Kontseiluak, eta azaroaren 4an Bilbon mobilizatzeko deia egin du. LABek ere bat egin du adierazpenarekin eta dei egin die bere kideei azaroaren 4an Bilbon egin den mobilizazioan parte hartzera.

Euskarak izan behar du Euskal Herriko lan-hizkuntza. Baina orain, euskararen aurkako oldarraldi judizial baten aurrean gaude, euskararen normalizazio prozesua trabatu eta egindako bidean atzerapausoak eragiteko olatu erreakzionario, atzerakoi eta euskarafobo baten aurrean.

Honen aurrean ezinbestekoa da mobilizazio soziala, oldarraldi honen aurkako desadostasuna kalean erakustea dagokigu, urrats bat aurrera egin, euskararen gaia erdigunean jarri eta elkarrekin eragiteko.

Larria da bizi dugun egoera, euskararen biziberritze prozesuaz harago milaka herritarren bizitzen bizigarritasuna dago auzitan, eta harekin batera berdintasuna, justizia eta kohesio soziala. Funtsean, bizikidetza.

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.