2024-05-22
HomeZerbitzu PribatuakMerkataritzaKaleratzeen kontrako mobilizazioak Bilboko Modas Maria Luz dendan

Kaleratzeen kontrako mobilizazioak Bilboko Modas Maria Luz dendan

Merry-Hat enpresa eta MODAS MARIA LUZen jabeek prozesu konkurtsalaren bidez dendak istea erabaki dute. Datorren martxoaren 3an langileok kalean geratuko dira, kalte-ordaina eta abendutik honako soldatak kobratzeke. Langileek enpleguen defentsan azkenerarte borrokan jardungo direla adierazi dute.

Mobilizazioak 
Otsailak 16 eta 23, larunbata, 12:30etatik 13:30etara Bilboko Correo kaleko 18n

Natxo Batarritak eta Natxo Batarrita Barrio bere semeak, Merry-Hat enpresa eta MODAS MARIA LUZen jabeak, Javier Barron bere kudeatzailearen laguntza ordainezinarekin (enpresak isteagatik ezaguna), dendak istea erabaki dute, 7 langile kalea utzita. 36 urtetako batazbesteko antzinatasuna dute langileek eta era berean, prozesu konkurtsala hasi dute. Helburua, kalteordainetan euro bat ere ez ordaintzea. Horrela, datorren martxoaren 3an langileok kalean geratuko dira, kalte-ordaina eta abendutik honako soldatak kobratzeke, prozedura konkurtsala daraman epailearen eskuetan. Edozein kasutan, enpresariek ez dute hogerlekorik ordainduko. Guztiok ordainduko ditugu gure zergen bidez.

Urte luzetan zehar MARIA LUZeko langileak izan dira dendak aurrera atera dituztenak enpresarien utzikeriaren aurrean. Hauek izan dira enpresari moduan dituzten erantzukizunei uko egin dietenak, euren guraso eta aitonek sortutako enpresa bat egungo egoerara bultzatu dutelarik. Azken urte hauetan bide hau lasaitasunez prestatzen joan dira, itxaron egin zezaketan, lehenago ala beranduago ez zitzaien euro bat ere kostatuko. Honakoa egin dute prestaketa lan barruan: urtez urte erosketak murrizteko exijentzia, horrela salmentak handitzea ezinezko bihurtuz eta eskaintza urriaren aurrean bizitza osoko bezeroak galduz; eguneroko jazarpen psikologikoa enpresa zein gaizki dagoen planteatuz eta jendea soberan dagoela esanez honek lanean daukan eragin negatiboarekin, hala ere, langileek ahalegin guztiak egiten zituzten enpresariek sortutako gabeziak estaltzen; azken hauek ia ez ziren dendetatik agertzen eta egunerokotasunaren jarraipen eskasa egiten zuten; erantzun sindikala bururik gabe uzteko ahalegina ere egin zuten duela hiru urte delegatua kaleratuz egungo itxieraren bidea errazteari begira; “ustezko” bideragarritasun planetan dirutzak gastatzea langileei soldatak zor zizkietenean, etab.

Eta Rajoyren erreformari itxaron diote. Hauxe zen krisitik atera behar gintuen erreforma, langabezia handituz eta kaleratzeen enpresa-kostea gutxituz. MARIA LUZeko langileak kaleratu egingo dituzte indemnizaziorik kobratu gabe, langabeziako prestazioa murriztuta eta 55 urtetik gorakoentzako laguntza jasotzeko aukera barik.  

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.