2024-07-22
HomeIndustriaMetalgintzaKaleratzeen aurkako mobilizazioak Manufacturas Ges enpresan

Kaleratzeen aurkako mobilizazioak Manufacturas Ges enpresan

Ermuko Manufacturas GES enpresak 6 langileri urtarrilaren 31ean kaleratuko dituztela jakinarazi die, arrazoi ekonomikoak argudiatuta. Langileetako bat LABeko delegatu ohia da eta datorren maiatzean berriro ere delegatu izatekotan da.

Horietatik bostek akordioa lortu dute eta beraien kaleratzea onartu, baina beste batek ez. Hain zuzen ere, pertsona hori LABeko delegatu ohia da. Urtez askoz izan da langileen ordezkaria sindikatutik eta, datorren maiatzean, berriro ere delegatu izatekotan da (gaur egun dagoen ordezkaria erretiratu eta berari dagokiolako ordezkoa izatea). Gainera, 37 urte daramatza enpresa berean lanean.

LABen argi dugu kaleratze hau ez dela kasualitatezkoa, ezta enpresaren egoera ekonomikoaren ondorio, edota krisiagatik. Urte luzez, pertsona honek LABen izenean egindako lanagatik nahi dute kalean. Horregatik, berehalako berronartzea exijitzen diogu enpresari.

Enpresarekin egindako bileran parez pare itxi dizkiote ateak aukera horri, eta besterik onartzeko prest ez gaudelako, lan sindikalik zigortzen utziko ez diegulako, ostiral honetan, otsailak 1, kontzentrazioa deitu dugu enpresaren aurrean eguerdiko 12:00tan, Ermua. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.

Langileen aldeko politikak bultzatzeko eta zerbitzu publikoak hobetzeko eskatu diogu Pradales Lehendakariari

Osakidetzan langileen gehiengorik gabe herri itunik ez dela posible izango ohartarazi diogu.