"Gorbea Zahar Egoitzan Despidorik ez!" lelopean LAB eta ELA sindikatuok deituta, konzentrazioa burutu da gaur Murgian, Gorbea zahar egoitzan urtarrilean zehar eman diren bi langileen kaleratzeak salatzeko.
Bi kaleratzeak urtarrilan 5ean eta 15ean izan ziren, hurrenez hurren. Kasu bietan gaixotasun baja egoeran zeuden langileak ziren, eta bietan egoitzako zuzendaritzak aprobetxatu ditu iazko lan erreformak absentismoagatik kaleratzeko eman zituen erraztasunak. Alta, bi langile hauen kasuak ez ziren erreformak aurreikusten dituen baldintzetan sartzen, haien kaleratzeak erabat bidegabeak zirelarik.
Elkarretaratzean, gainera, egoitzako zuzendaritzaren jarrera orokorra ere salatu dute, bertan lanean daramatzaten bi urte eskasetan lan osasun arazo handia sortu bait dute langileengan. Ohikoak izaten dira egoitzako ardura nagusiak dituzten bi pertsonen tratu despotikoak eragindako antsietate erasoaldiak. Izan ere, langile kaleratuetako baten oraingo gaixotasun bajak horrelako egoerek sortua izan da.
LAB SAREAN
{module[111]}
{module[111]}
