2024-04-15
HomeZerbitzu PublikoakEusko JaurlaritzaItsasmendikoiko langileek bidegabeko kaleratzeak eta zerbitzu publikoen eraizpena salatzen dute

Itsasmendikoiko langileek bidegabeko kaleratzeak eta zerbitzu publikoen eraizpena salatzen dute

Itsamendikoi sozietate publikoa berregituratze prozesu baten baitan dagoen arren, bertako langileek ez dute prozesuaren inguruko informazio nahikorik. Eusko Jaurlaritzak langileen kaleraratzeak proposatzen dituen bitartean, beste lanpostu batzuk era arbitrarioan egonkortzen ditu. ELA eta LAB sindikatuek prozesuaren iluntasuna eta gauzatu nahi dituzten murrizketa bortitzak salatzen dituzte.

Eusko Jaurlaritzak entitate publikoen berrantolakuntza iragarri ostean, Itsamendikoi sozietate publikoa likidatzear dago. Bertoko 150 langileek ez dute euren etorkizunari buruzko informazio nahikorik: momentuz, 5 langile kaleratzea, 2 lanpostu amortizatzea eta gainerako langileak Fundación HAZI Fundazioan edo Eusko Jaurlaritzaren sailetan berkokatzea planteatu dute, zein baldintzatan izango diren argitu gabe. Egonezin hau gutxi balitz, zuzendaritzak zenbait lanpostu era arbitrarioan egonkortzea erabaki du, alde sozialaren iritzia kontuan hartu gabe.

ELA eta LAB sindikatuek Eusko Jaurlaritzaren eta Itsasmendikoiko zuzendaritzaren jarduera salatzen dute, langileen oinarrizko eskubideak urratzen dituztelako eta zerbitzu publikoaren kalitatea kaltetzen duelako.

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.