2024-02-28
HomeEkintza SozialaEkosozialismoaInoiz ez da izan proiektu faraonikoetarako garaia

Inoiz ez da izan proiektu faraonikoetarako garaia

Oraindik Lemoizen inposatu nahi ziguten eta herritarrok arduratsu geratu genuen zentral nuklearra ordaintzen ari garenean, AHTa bezalako makroproiektu antisozial eta kaltegarriak inposatu nahi dizkigute, besteak beste, zerbitzu publikoen kalitatea kaltetzea dakarten azpiegiturak, ekosistema eta bioanistasunarentzat ere guztiz kaltegarriak direnak.

Eusko Jaurlaritzako Ingurumen sailetik egindako adierazpenen harira, behintzat langileon eta herri sektore zabalen oposizioa izan duen Pasaiako kanpo portuaren proiektua aparkatzeak pozten gaitu, eta LABetik dei egiten diogu Jaurlaritzari, gauza bera egin dezan aipatu abiadura handiko trenarekin edo eraiki nahi duen errauskailuarekin.

Ana Oregi Ingurumen Sailburuak eta Eusko Jaurlaritzak, obra faraonikoetarako garaia ez dela esan arren, AHTaren proiektu faraonikoari eutsi egiten diote, herritarron kontura, baina herritarrok informatu gabe eta jendartean eztabaida eta (are gutxiago) kontsentsua sustatu gabe, aurrera egin nahi dute abiadura handiko trenarekin. LABek argi eta garbi esan du beti eta horrela aldarrikatuko du, inoiz ez dela horrelako obra faraonikoetarako sasoia, ez lehen eta ez orain. Gehiago diogu, porlanaren logikan kokatzen diren proiektu espekulatiboek eragin dute eta sakonduko dute bizi dugun krisialdi ekonomikoa.

Halakoak eraikitzeak lanpostuak sortuko dituela diote aho betean iritzi publikoa engainatu nahian, eta ez da horrela, guztiz kontrakoa, obra hauek ez diote langile klaseari inongo onurarik ekartzen, honetan inbertitzen bada, ez baita inbertituko herritarrontzat guztiz beharrezkoak diren oinarrizko beharrizanetan. Eta eliteko garraiobide hauek ez daude guretzat diseinatuak, herritarrok, langileok, geure beharrizanei erantzuteko bestelako garraio sare publiko, propio eta hurbilekoa behar dugu.

Proiektu faraonikoetan sortzen diren epe laburreko eta kalitate eskaseko lanpostuek miseria eta lan istripuak besterik ez dakartzate. Lanpostuak sortzeko modua beste bat da: AHTaren proiektua berehala geratu, enpresa jakin batzuen negozioa geratu eta murrizketan jasaten ari diren arloetan inbertitu, sektore publikoan, zuzen ordaindutako lanpostuak sortuz, lanpostu kualifikatuak eta iraunkorrak. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.