2024-07-24
HomeEkintza SindikalaIndarrak batzeko deia egin dugu, Hezkuntzari lan-baldintza duinak eta kalitatezko janaria izango...

Indarrak batzeko deia egin dugu, Hezkuntzari lan-baldintza duinak eta kalitatezko janaria izango dituzten eskola-jangelak eskatzeko

Jokin Bildarratzen Hezkuntza Sailak bidea libre uzten die, berriz ere, ikastetxe publikoetako jangelak kudeatzen dituzten kolektibitate-enpresei dirua irabazten jarrai dezaten, langileen lan-baldintzak okertuz eta ikasleentzako janaria egiteko elikagaien kalitatea nabarmen murriztuz. Halaxe salatu dugu hedabideen aurrean, Bilbon egindako agerraldian.

Joan den abenduan, LAB sindikatuak publikoki salatu zuen Eusko Jaurlaritzako Hezkuntza Saila gehiago arduratu zela jangeletako lizitazio berrietan eskola publikoetako jangelak kudeatzeko esleipendun izango ziren enpresez, langileez eta ikasleez baino.

Bada, aste honetan argitaratu dituzte enpresek aurkeztutako eskaintza ekonomikoak, eta berretsi besterik ez dute egin LAB sindikatuak azken hilabeteetan salatu duena, alegia, Hezkuntza Sailari ez zaizkiola batere axola ez ikasleak ez jangeletako langileak; azken batean, ez duela kalitatezko jangela-zerbitzuaren alde egiten.

Hezkuntza Sailak argitaratutako datuek beren kabuz hitz egiten dute. Enpresa batzuek 21,78 â‚¬eta 23 â‚¬arteko eskaintza egin dute jangelako langileei dagokienez (begiraleak eta officeko langileak), lizitazioan gehieneko prezioa 26,37€izanda. Era berean, menuari dagokionez, enpresa batzuek lehen plater baterako 0,92 â‚¬eskaini dituzte gehieneko prezioa 1,18 â‚¬izanda, eta postrearentzat 0,15 â‚¬; gehieneko prezioa 0,30 â‚¬izanda.

Argi dago Eusko Jaurlaritzako Hezkuntza Sailak berriro ere bidea libre uzten duela kolektibitateetako enpresek dirua irabazten jarrai dezaten, eta horrek eragin oso negatiboa du langileen lan-baldintzetan (hitzarmena negoziatzeko tarte txikia) eta ikasleen janaria egiteko erabiltzen duten elikagaien kalitatean.

Nola onar dezake Jokin Bildarratz Hezkuntza sailburuak hezkuntza-zerbitzu publikoa eta diru publikoarekin kudeatzen duten enpresa pribatuek ikasleen elikadurarekin eta langileen lan-baldintzekin jolastea? Hezkuntza Saila ez da bere erantzukizuna bere gain hartzen ari.

Gainera, Eusko Jaurlaritzak hezkuntza-eragile eta sindikatuekin izandako topaketetan jakinarazi zuen lote-kopurua handitzearen helburuetako bat tokiko enpresek lizitazioetan sartu ahal izateko aukera izatea zela. Multinazionalen presentzia handitzea besterik ez du lortu.

Ezin dugu ahaztu lehengaiek (elikagaiek) janaria egiteko duten garrantziaz gain, janaria non egiten den ere kontuan hartu behar dugula. LAB sindikatuak, ikastetxe guztiek janaria ikastetxean bertan egin ahal izateko sukalde bat izan behar dutela aldarrikatzen du. Guraso, ikasle eta ikastetxe askok eskatu diote Sailari sukaldea in situ izatea.

Hori esanda, LAB sindikatuak dei egiten die hezkuntzako eta gizarteko eragileei eta gainerako sindikatuei indarrak batzeko, Jokin Bildarratz Hezkuntza sailburuari esateko jangela duinak eta kalitatezko elikagaiak nahi ditugula.

AZKEN ALBISTEAK | ĂšLTIMAS NOTICIAS

Eusko Jaurlaritzak onartutako langile publikoentzako soldataren igoerak erosahalmenaren galera eta Madrilekiko menpekotasuna dakar, beste behin ere

LABek Eusko Jaurlaritzaren Gobernu Kontseiluak langile publikoentzat (*) onartu berri duen %2ko soldata igoera salatzen du. Ikasturte honetan hiru greba eta hainbat mobilizazio egin ditugu soldata eta enplegua hemen erabakitzeko, bertan negoziatu eta adosteko. Hauek dira Jaurlaritzak agindutako azken neurriaren aurka azaltzen ditugun argudioak:

Prekaritateak dakarren lan segurtasun ezak hil egiten du

Gipuzkoako Kale Garbiketa sektoreko alderdi sindikal guztiak, ELA sindikatua izan ezik, pasa den uztailarean 10ean, Iruñean, gaueko txandan bere lana egiten zuen bitartean, lan istripuan hildako FCC-ko (Iruñerriko Mankomunitateko azpikontrata) langilearen familia, lagun eta lankideei elkartasuna eta babesa helarazteko, gaur uztailak 24, elkarretaratzea egin dugu Gipuzkoako FCC-ko egoitza nagusiaren parean, Hernaniko Zubiondo poligonoan.
00:20:31

Osasun sistema publikoa indartzeko neurriak aurkeztu ditugu

Langileen gehiengorik gabe Osasun Itunik ez dago.