2025-04-18
HomeIdazkaritzakIdazkaritza FeministaIndarkeria sexista lehen mailako arazo politikotzat har dezaten exijitu du Emakumeon Mundu...

Indarkeria sexista lehen mailako arazo politikotzat har dezaten exijitu du Emakumeon Mundu Martxak

Sophia Losche 28 urteko emakumea eta migratzaileen aldeko aktibista alemaniarra zenaren gorpua aurkitu dute Asparrenako gasolindegi baten ondoan. Berri hau Manada kasuko epaituak kalera aterako direla jakin dugun egun berean gertatu da.

Hauxe da Euskal Herriko Emakumeon Mundu Martxak igorritako oharra:

Beste behin ere emakume bat eraila izan da eta Euskal Herrian agertu da bere gorpua. Izan ere, Sophia Losche 28 urteko emakumea eta migratzaileen aldeko aktibista alemaniarra zenaren gorpua aurkitu zuten atzo ekainaren 21ean Asparrenako gasolindegi baten ondoan. Politika munduko aktibista zen, unibertsitateko partidu sozialdemokratako presidentea izan zen bi urtez eta 2016tik dagoen errefusiatuen krisian Borders Kitchen izeneko gobernuz kanpoko erakunde batean bolunatrio moduan lanean egon zen Lesbosen. Eta berri hau Manada kasuko epaituak kalera aterako direla jakin dugun egun beran gertatu da.

Beste behien ere emakumeok kalean libre eta aske izateko ditugun oztopoak agerian geratu dira. Baita juztizia patriarkala dela, erasotzaileak kalean daude epaia egon arren hau irmoa ez dela argudiatuz, naiz eta badauden bitartekoak hau gerta ez dadin.

Nazkatuta gaude erasotuak eta erailak izateaz! Indarkeria sexitari aurre egiteko lehen mailako arazo politikotzat hartua izan dadin eskatzen dugu. Egungo jarrera konplizeak alboratu eta bizi garen jendarte antolaketa sexistari aurre egiteko benetako neurriak behingoz har daitezela exijitzen dugu.

Honekin batera autodefentsa feministarako deia egiten dugu, gure bizitzak direlako jokoan daudenak eta bizitzaren aldeko apustu erradikala egiten dugulako. Feministok erantzuteko prest gaude! Martxan jarraituko dugu, elkarrekin borrokan denak aske izan arte!

 

 

 

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.