2024-05-23
HomeIndustriaMetalgintzaIncoesako Enpresa Batzordeak enpleguaren defentsan eta ehun produktiboaren aldeko borrokan langileak bakarrik...

Incoesako Enpresa Batzordeak enpleguaren defentsan eta ehun produktiboaren aldeko borrokan langileak bakarrik daudela salatu du

Eusko Jaurlaritzako Ekonomiaren Garapen eta Lehiakortasun sailarekin hainbatetan bilerak eskatu ondoren, atzo, batzartu ziren Incoesako langileak sail horretako kabinete tekniko batekin. Batzordearen arabera, greba mugagabean 262 egun daramatzatelarik, ez da nahikoa iraganean Incoesari eman zitzaion 2.000.000 euroko diru laguntzaren inguruko azalpen teknikoak ematea, baina lantegian enplegua mantendu ahal izateko helburuz biltzea erabaki zuten.

INCOESAKO ENPRESA BATZORDEAREN OHARRA

"Eusko Jaurlaritzako Ekonomiaren Garapen eta Lehiakortasun sailarekin hainbatetan bilerak eskatu ondoren, gaur, azkenean, batzartu dira Incoesako langileak sail horretako kabinete tekniko batekin.

Zoritxarrez, greba mugagabean 261 egun bete ditugun honetan, eta Bediako lantegiko langile guztientzat enplegu etete espedientearen tramitazioa abian delarik, langileontzat ez da nahikoa iraganean Incoesari eman zitzaion 2.000.000 euroko diru laguntzaren inguruko azalpen teknikoak ematea. Gaur, uste dugu, azalpen hori gehiago beharko lukeela herritar zergadunei zuzendua, eurak direlako diru laguntza horiek, kaleratzeak egin eta ehun produktiboa suntsitzeko erabiliak direnak, ordaintzen dituztenak.

Edonola ere, langileok greba hasi genuenean egiten genuen apustuari eusten diogu: enplegua eta industria Bedian mantentzea. Eta helburu horrekin kabinete horretako arduradun politikoekin bilera bat egitea eskatu dugu, premiazko bilera, gure lantegian enplegua mantendu ahal izateko helburuz. Gerta daitekeen okerrena litzateke enpresa itxi, langileak kaleratu eta enpresak diru publikoak jasotzen jarraitzea. Honek agerian uzten du Jaurlaritzako kabinete desberdinetatik eman ditzaketen lerroburuetan esaten dutena esan, enpleguaren defentsan eta ehun produktiboaren aldeko borrokan langileak bakarrik daudela."

 

 

 

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.