2023-12-10
HomeEkintza PolitikoaLABen iritziz UPNren Gobernuaren erorketa herri garaipena da

LABen iritziz UPNren Gobernuaren erorketa herri garaipena da

Sektore herrikoiek, langileriak, herri mugimenduak zer esan handia izan dute UPNren Gobernu neoliberal eta espainolista hondoratzeko orduan. Horregatik, bere erorketa, ospatu beharra dagoen herri garaipena da LABen iritziz. Orain erregimen ustelarekin amaitu eta aldaketa sozialari ateak irekitzeko herri presioa egiten jarraitzearen beharra nabarmendu du sindikatuak.

Alabaina, aurretik dugun erronka ez da nolanahikoa. Nafarroan 30 urtez indarrean egondako Erregimena eraitsi beharra dago. Txiringito foralean askok hartu dute parte: UPN-PSNk maila politikoan, Opus Deik botere faktiko moduan, Patronalak bere botere ekonoarekin eta UGT-CCOOek kobertura soziala emanez. Horien oztopoen gainetik, aldaketa sozialari ateak ireki beharra dago, erabakitzeko eskubidean eta langileriaren eskubide sozialetan oinarritutako eredu ekonomiko eta sozial berria eraikitzen hasteko. Gaur hasitako herri mobilizazioek jarraipena izan behar dute datozen egunotan, ezinbesteko aldaketa sozial eta politiko hori sustatuz.
 

 

 

AZKEN ALBISTEAK | ĂšLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.